پولشا استانانىڭ بوتانيكالىق باعىنا توسىن سىي جاسادى
وسىنداي ەرەكشە ءىس- قيمىلدارىمەن پولياكتار قالا تۇرعىدارىن ەلوردا كۇنىمەن قۇتتىقتاۋدى ءجون كوردى. «قازاقستان ءۇشىن وسى ايتۋلى داتادا قالانىڭ بارلىق تۇرعىندارى مەن قوناقتارىنا بارلىق جاقسىلىقتى تىلەيمىن. اتاپ ايتقاندا، قازاقستان پرەزيدەنتىنىڭ ەلدى كوگالداندىرۋ بويىنشا باستامالارى وتە قۋانتادى. بۇل باعىتتاعى قادامدار جاھاندىق تۇرعىدا ماڭىزدى ەكەنىن تۇسىنەمىز. بۇگىندە «ەكسپو-2017» حالىقارالىق كورمەسى اياسىندا قالا اۋماعىن جاسىلداندىرۋ مەن ورمان القابىن كەڭەيتۋ ارقىلى كومىرقىشقىل گاز كولەمىن تومەندەتۋ باستامالارى اسا قاجەت» ، - دەدى پولشا قورشاعان ورتا ۆيتسە- ءمينيسترى سلاۆومير مازۋرەك.
سونىمەن قاتار بۇل شارا بارىسىندا ەلوردالىقتاردى استانا اكىمىنىڭ ورىنباسارى ەرمەك امانشايەۆ تا قۇتتىقتادى. «اكىمدىك اتىنان بۇگىنگى كەرەمەت مەرەكەمەن بارلىقتارىڭىزدى قۇتتىقتايمىن. بىرنەشە كۇن بۇرىن استانا كۇنىن مەرەكەلەۋ باعدارلاماسىنا باستاۋ بەرگەن ەلباسى قالانىڭ جاسىل بەلدەۋىنىڭ ماڭىزدىلىعى تۋرالى ايتقان بولاتىن. بوتانيكالىق باق وسى ماڭىزدى جوبانىڭ قۇرامداس بولىگى. بۇل باقتىڭ پەرسپەكتيۆاسى زور، سەبەبى وسىندا ۇلكەن باستامالار ىسكە اسىرىلادى. بۇگىن پولشادان ارنايى 214 اعاش الىپ كەلىپ، وتىرعىزىپ جاتقان پولياك دوستارىمىزعا ۇلكەن العىسىمىزدى ايتامىز» ، - دەدى ە. امانشايەۆ.
ايتا كەتەيىك، پولياكتاردىڭ بۇگىنگى باستاماسىنا ەكسپو- داعى وزگە دە پاۆيلونداردىڭ وكىلدەرى قولداۋ ءبىلدىردى. بۇدان بۇرىن پولشا ورمانشىلارى ورماندى جەرلەردى قالپىنا كەلتىرۋ باعىتىندا قازاقستاندىق ارىپتەستەرىمەن تاجىريبە الماسقان بولاتىن. وسى تاقىرىپتاعى كونفەرەنتسيا ەكسپو اياسىندا پولشا پاۆيلونىندا ءوتتى.
اۆتور: رۋسلان عابباسوۆ
