ليۆان پرەزيدەنتى ەلوردادا وتەتىن ي ى ۇ سامميتىنە شاقىرۋ الدى

استانا. قازاقپارات - قازاقستان پرەزيدەنتىنىڭ ارنايى وكىلى ليۆان پرەزيدەنتىنە يسلام ىنتىماقتاستىق ۇيىمىنىڭ عىلىم مەن تەحنولوگيا جونىندەگى ءبىرىنشى سامميتىنە قاتىسۋعا شاقىرۋدى تابىس ەتتى.

 بۇل جايىندا ق ر س ءى م باسپا ءسوز قىزمەتىنەن ءمالىم ەتتى، دەپ حابارلايدى قازاقپارات. بەيرۋتتا ق ر سىرتقى ىستەر ءمينيسترىنىڭ ورىنباسارى اقىلبەك كامالدينوۆ ليۆان رەسپۋبليكاسىنىڭ پرەزيدەنتى ميشەل اۋنمەن كەزدەستى. كەزدەسۋ بارىسىندا ليۆان مەملەكەتىنىڭ باسشىسىنا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ 2017 -جىلدىڭ 10-11 - قىركۇيەگىندە استانادا وتەتىن يسلام ىنتىماقتاستىق ۇيىمىنىڭ عىلىم مەن تەحنولوگيا جونىندەگى ءبىرىنشى ءسامميتى جۇمىسىنا قاتىسۋعا شاقىرۋى تابىس ەتىلدى.

 ق ر پرەزيدەنتىنىڭ ارنايى وكىلى ليۆان رەسپۋبليكاسىنىڭ باسشىسىن سامميتكە دايىندىق بارىسىمەن تانىستىردى. سونىمەن قاتار ول قازاقستاندىق- ليۆاندىق قارىم- قاتىناستىڭ قازىرگى جاي- كۇيى مەن كەلەشەگى جايىندا ايتا كەلە، بەيرۋتتىڭ قازاقستاننىڭ ب ۇ ۇ قاۋىپسىزدىك كەڭەسىنە تۇراقتى ەمەس مۇشە بولىپ سايلانۋىنا كورسەتكەن قولداۋى ءۇشىن ريزاشىلىق ءبىلدىردى. شاقىرۋدى قابىل العان ليۆان پرەزيدەنتى م. اۋن ەلوردامىزدا وتەتىن ي ى ۇ سامميتىنە قاتىسۋ مۇمكىنشىلىگىن بەرگەن قازاقستان پرەزيدەنتى ن. نازاربايەۆقا ريزاشىلىعىن ءبىلدىردى.

 ليۆان باسشىسىنىڭ پايىمىنشا، ەكى ەلدىڭ ءوزارا ءتيىمدى ىنتىماقتاستىقتى دامىتۋعا الەۋەتى وتە زور. م. اۋن قازاقستاننىڭ جانە ونىڭ پرەزيدەنتى ن. نازاربايەۆتىڭ سيريالىق داعدارىستى ساياسي رەتتەۋدە كەلىسسوزدەر جۇرگىزۋ ءۇشىن مۇددەلى تاراپتارعا الاڭ ۇسىنۋداعى كۇش- جىگەرىن جوعارى باعالادى. سونىمەن قاتار ول استانا پروتسەسى ۇزاق جىلدارعا سوزىلعان جانجالدىڭ اياقتالۋىنا سەپ بولارىنا ءۇمىت ارتاتىندىعىن ءبىلدىردى.

 اۆتور: مارلان جيەمباي