تۇرىك بيزنەسمەندەرى نازاربايەۆتان كومەك سۇرادى
بۇل جايىندا «حابار» تەلەارناسىنان كورسەتىلگەن «بىتىمگەر ميسسياسى» دەرەكتى فيلمىندە 2010-2016 -جىلدارى ارالىعىندا قازاقستاننىڭ تۇركياداعى توتەنشە جانە وكىلەتتى ەلشىسى بولعان جانسەيىت تۇيمەبايەۆ ايتتى، دەپ حابارلايدى قازاقپارات.
دەرەكتى فيلمدە تۇركيانىڭ شەكارا اۋماعىنا كىرىپ كەتكەن رەسەيدىڭ سۋ-24 ۇشاعىنىڭ اتىپ تۇسىرىلۋىنەن كەيىن ەكى ەلدىڭ اراسىنداعى احۋالدىڭ شيەلەنىسۋى جانە ونى شەشۋدەگى قازاقستان پرەزيدەنتى نۇرسۇلتان نازاربايەۆتىڭ ءرولى جان-جاقتى تالقىلانعان.
كەلتىرىلگەن دەرەكتەرگە قاراعاندا، وسى وقيعادان كەيىن ەكى ەلدىڭ اراسىنداعى جاعداي ۋشىعىپ، رەسەي تۇركياعا قارسى ەكونوميكالىق سانكسيالار قولدانىپ، ۆيزاسىز رەجيمدى الىپ تاستاعان. سونىمەن قاتار رەسەيدە جۇمىس ىستەيتىن تۇرىك كومپانيالارىنا شەكتەۋ قويىپ، تۇرىك ەلىندە ءبىلىم الىپ جاتقان جاستارىن كەرى قايتارعان. سانكسيالاردىڭ سالدارىنان تۇركيانىڭ تۋريزم بيزنەسى ساناۋلى عانا ۋاقىتتىڭ ىشىندە 92 پايىزعا قۇلدىراعان.
«اۋىل شارۋاشىلىعى تاۋلارلارىن وندىرۋشىلەردىڭ باسىم بولىگى دە جۇمىستارىن توقتاتۋىنا تۋرا كەلدى. نەگە؟ سەبەبى ءاربىر قوناق ءۇي كۇن سايىن اۋىل شارۋاشىلىعى تاۋارلارىن، جەمىس- جيدەكتەردى، ەت- ءسۇت ونىمدەرىن، سۋسىندار ساتىپ الاتىن. مۇنىڭ بارلىعى دا توقتاپ قالدى»، - دەپ ەسكە الادى سول كەزدە قازاقستاننىڭ تۇركياداعى ەلشىسى بولعان جانسەيىت تۇيمەبايەۆ.
سونىمەن قاتار ول تۇركيا مەن رەسەي اراسىنداعى جاعداي ۋشىعىپ تۇرعان كەزدە ىستانبۇلداعى قازاق ەلشىلىگىنە كۇن سايىن تەڭەرتەڭنەن باستاپ كەشكە دەيىن تۇرىكتىڭ قوعام قايراتكەرلەرى، بيزنەسمەندەرى كەلەتىن ورىنعا اينالعانىن اتاپ ءوتتى. «ولاردىڭ بارلىعىنىڭ دا كوتەرگەن ماسەلەسى بىرەۋ- اق. ول قازاقستان پرەزيدەنتىنەن بۇل ماسەلەنى شەشۋگە كومەك بەرۋى. بۇل ماسەلەنى تەك قازاقستان پرەزيدەنتى عانا شەشە الاتىن ەدى»، - دەدى جانسەيىت تۇيمەبايەۆ. دەرەكتى فيلمدە قازاقستان پرەزيدەنتىنىڭ كومەكشىسى نۇرلان ونجانوۆ، ر ف پرەزيدەنتىنىڭ كومەكشىسى يۋري ۋشاكوۆ، تۇركيا سىرتقى ىستەر ءمينيسترى مەۆليۋت چاۆۋشوگلۋ، قازاقستاننىڭ وزبەكستانداعى توتەنشە جانە وكىلەتتى ەلشىسى ەرىك وتەمبايەۆ ەلباسى نۇرسۇلتان نازاربايەۆتىڭ تۇركيا مەن رەسەي اراسىنداعى پروبلەمانى شەشۋدەگى رولىنە جان-جاقتى باعا بەرەدى.
اۆتور: مارلان جيەمباي
