استانادا كونە قارۋ- جاراق كورمەسى اشىلدى - فوتو
اتالعان كورمەگە ر ف سانكت- پەتەربۋرگ قالاسىنداعى ايگىلى ەرميتاجدان 4-5 - عاسىر بۇرىن تۇركيا، يران، ءۇندىستان، جاپونيا، فرانسيا، يتاليا، گەرمانيا، يسپانيا تاعى دا باسقا ەلدەرىنەن اكەلىنگەن قارۋ- جاراقتار جيىنتىعى قويىلدى، شاراعا ق ر مەملەكەتتىك حاتشىسى گۇلشارا ءابدىحالىقوۆا، مادەنيەت جانە سپورت ءمينيسترى ارىستانبەك مۇحامەدي ۇلى، ق ر پارلامەنت دەپۋتاتتارى مەن ەرميتاجدان كەلگەن وكىلدەر قاتىستى. ۇيىمداستىرۋشىلاردىڭ ايتۋىنشا، اتالعان كورمە ەرميتاج قورىنداعى قارۋ- جاراق شەبەرلىگىنىڭ جاۋھارىمەن تانىستىرۋ ماقساتىندا قولعا الىنعان. كورمەنىڭ حرونولوگيالىق شەڭبەرى قارۋ- جاراق قولونەرىنىڭ اۋقىمدى تاريحي كەزەڭىن، ⅩⅤ عاسىردان باستاپ ⅩⅨ عاسىردىڭ سوڭىنا دەيىنگى ارالىقتى قامتيدى.
«بۇگىنگى كۇنى الەمگە ايگىلى 20 مۋزەيدىڭ ءبىرى - ەرميتاجدان اكەلىنگەن قارۋ- جاراقتاردىڭ كورمەسىن تاماشالاپ وتىرمىز. بۇل قادام - قازاقستان مەن رەسەيدىڭ شىنايى دوستىعىنىڭ دالەلى. ەكى ەل اراسىنداعى ىنتىماقتاستىقتىڭ ىرگەسى بارلىق سالا بويىنشا بەكىپ كەلەدى. وسى شارانىڭ ارقاسىندا مۋزەيىمىزگە كەلگەن قوناقتار شىعىس پەن باتىس حالىقتارىنىڭ تاريحي قارۋ- جاراق جاساۋ ۇلگىسىمەن تانىسا الادى. قارۋ- جاراقتىڭ قولدانىلۋىنداعى قۋاتى ەمەس، جاسالۋ شەبەرلىگى تامساندىرسا دەيمىز، - دەدى مەملەكەتتىك حاتشى.
جيىندا ءسوز العان ر ف قازاقستانداعى توتەنشە جانە وكىلەتتى ەلشىسى ميحايل بوچارنيكوۆ ەكى ەل اراسىنداعى مادەني ىنتىماقتاستىقتى دامىتۋعا باعىتتالعان تاعى ءبىر قادامدى كورىپ وتىرعانىن جەتكىزدى.
«ەكى ەلدى باي مادەني تاريح بايلانىستىرىپ جاتىر. مەملەكەتتىك ەرميتاج قازاقستانداعى ارىپتەستەرىمەن بىرلەسە جۇمىس جاساۋدا كوش ىلگەرى»، - دەدى م. بوچارنيكوۆ.
ۇلتتىق مۋزەيدە اشىلعان كورمە جۇمىسىنا قاتىسقان ەرميتاجدىڭ وكىلدەرى ەكى ەل اراسىنداعى مادەني ىنتىماقتاستىقتىڭ ماڭىزدىلىعىن اتاپ كورسەتتى.
«ەرميتاج ۇلتتىق مۋزەيمەن ءوزارا مادەني بايلانىستى كۇشەيتكىسى كەلەدى. رەسەي فەدەراتسياسىنىڭ مەملەكەتتىك ەرميتاجى مەن قازاقستان رەسپۋبليكاسىنىڭ ۇلتتىق مۋزەيىنىڭ ۇجىمدارى ءبىرىن- ءبىرى تىڭ جوبامەن قۋانتا بەرەدى دەگەن ويدامىن»، - دەيدى ەرميتاجدىڭ باس ديرەكتورىنىڭ ورىنباسارى گەورگيي ۆەلەنباحوۆ.
