09:15, 01 - شىلدە 2017 | GMT +6
كيبەر شابۋىلعا بايلانىستى قازاقستانداعى رەسەيلىك زەرتحانانىڭ جۇمىسى توقتادى
استانا. قازاقپارات - «ينۆيترو» مەديتسينالىق زەرتحانالار جەلىسى كيبەر شابۋىلدان كەيىن رەسەيدە، قازاقستان مەن بەلارۋستە تالداۋعا ماتەريالداردى قابىلداۋدى ۋاقىتشا توقتاتتى، دەپ حابارلايدى قازاقپارات ت ا س س اگەنتتىگىنە سىلتەمە جاساپ.
«كيبەر شابۋىلدان كەيىن «ينۆيترو» ينفراقۇرىلىمىن قالپىنا كەلتىرۋ جۇمىستارىنا بايلانىستى رەسەيدىڭ، قازاقستان مەن بەلارۋستىڭ مەديتسينالىق كەڭسەلەرىندە بيوماتەريالداردى قابىلداۋ ۋاقىتشا توقتاتىلدى. جۇمىستاردى قالپىنا كەلتىرۋ ءۇشىن بارلىعى جاسالۋدا. ناۋقاستاردىڭ بارلىق وتىنىشتەرى جەكە تارتىپتە قارالاتىن بولادى»، - دەپ اتاپ ءوتتى «ينۆيترودان».
اتاپ وتىلگەندەي، كليەنتتەردىڭ دەربەس مالىمەتتەرى زارداپ شەككەن جوق. الايدا، كيبەر شابۋىل كەيبىر پروتسەستەرگە زيانىن تيگىزدى، اتاپ ايتقاندا، تالداۋ ناتيجەلەرىن بەرۋ ۋاقىتى ۇزاردى.
سەيسەنبى، 27- ماۋسىم كۇنى كومپيۋتەرلەردى بۇعاتتاپ، ول ءۇشىن اقى سۇرايتىن Petya ۆيرۋسىنىڭ شابۋىلى جايلى بەلگىلى بولدى. ۆيرۋس اسىرەسە، رەسەي مەن ۋكراينادا كومپيۋتەرلىك جەلىلەر بويىنشا بەلسەندى تارالا باستادى.
