قازاقستاننان ءۇندىستانعا ساپارلاۋ جەڭىلدەيدى
ق ر ي د م مالىمەتىنە قاراعاندا، قازاقستان مەن ءۇندىستاننىڭ استانالارىن بايلانىستىراتىن رەيس اپتاسىنا 3 رەت جيىلىكپەن، ياعني دۇيسەنبى، بەيسەنبى جانە جەكسەنبى كۇندەرى ورىندالادى. جاڭا حالىقارالىق رەيس مەملەكەت باسشىسى ن. ءا. نازاربايەۆتىڭ 2020 - جىلعا دەيىن ەلىمىز ارقىلى وتەتىن ترانزيتتىك جولاۋشىلار اعىنىن 4 ەسەگە دەيىن ۇلعايتۋ جونىندەگى تاپسىرماسىن ورىنداۋ اياسىندا جۇزەگە اسۋدا.
سوڭعى 7 جىلدا ترانزيتتىك اۋە جولاۋشىلار اعىنى 20 ەسەگە ارتتى. پەرسپەكتيۆالى باعىتتاردىڭ ءبىرى ءۇندىستاننان قازاقستان ارقىلى ت م د ەلدەرىنە باعىتتالعان ترانزيتتىك جولاۋشىلار مارشرۋتى بولىپ تابىلادى. استانالار اراسىنا قاتىنايتىن رەيس 2004 - جىلدان بەرى « ەير استانا» اۋە كومپانياسى ورىنداپ كەلە جاتقان الماتى - دەلي - الماتى رەيسىن تولىقتىراتىن ءتيىمدى جوبا. سونداي- اق اتالمىش رەيس حالىقارالىق استانا قارجى ورتالىعىن (ح ا ق و) دامىتۋدا ىسكەرلىك بەلسەندىلىگىن ىنتالاندىرۋ ءۇشىن قىزمەت ەتەتىن بولادى.
ايتا كەتۋ كەرەك، بۇل حالىقارالىق رەيستى اشۋدا ق ر ي د م ازاماتتىق اۆياتسيا كوميتەتى مەن ءۇندىستاننىڭ اۆياتسيالىق بيلىگى بىرلەسە جۇمىس اتقاردى.
اۆتور: رۋسلان عابباسوۆ
