تەلەفوندى جاتار الدىندا نەلىكتەن ءسوندىرىپ قويۋ كەرەك؟

 استانا. قازاقپارات - قازىرگى تاڭدا، شىنى كەرەك، تەلەفون، سمارتفوندار ايىرىلماس دوسىمىزعا اينالدى. كۇندىز قولىمىزدان تاستامايمىز، ال تۇندە قاسىمىزعا الىپ جاتامىز.

 تەلەفونعا دەگەن «ماحابباتىمىز» دەنساۋلىعىمىزعا زيان كەلتىرمەي مە؟ ەندى وسىعان توقتالساق.

ۇيىقتار الدىندا تەلەفونعا ءۇڭىلۋ كوزىمىزگە زيان ەكەنى بارلىعىمىزعا ءمالىم. سونىمەن قاتار، ونىڭ قىسقاتولقىندى ساۋلەسى ميىمىزدى تىتىركەندىرىپ، تەز ءارى جاقسى ۇيىقتاۋىمىزعا جاۋاپ بەرەتىن مەلاتونين گورمونىنىڭ ءبولىنۋىن تەجەيدى، سوندىقتان جىلدام ۇيىقتاپ، سەرگەك ويانا المايمىز.

كۇنى بويى جۇمىستان شارشاپ كەلىپ، جاتار الدىندا ينستاگرام، فەيسبۋككا كىرىپ «ميىمىزدى تىنىقتىرامىز» دەپ ويلاساق قاتەلەسەمىز. ول ميدى تىنىقتىرۋ ەمەس، كەرىسىنشە، ميعا اۋىر جۇمىس بەرىپ قويۋ، ونىڭ بەلسەندىلىگىن ارتتىرىپ، وعان ءتۇرلى كەرەكسىز دۇنيەلەردى تولتىرىپ تاستايمىز.

مۇنىڭ بارلىعى - ا ق ش عالىمدارىنىڭ زەرتتەۋى. قازىرگى تاڭدا زەرتتەۋشىلەر «تەلەفون راك اۋرۋىن تۋدىرادى» دەگەن تۇسىنىكتى انىقتاۋدا، سەبەبى تەلەفون راك تۋدىرادى دەگەنگە ناقتى دالەل جوق، ءبىراق سولاي بولۋى ىقتيمال دەيدى ماماندار.

دارىگەرلەر دەنساۋلىعىمىزعا زيان كەلمەۋ ءۇشىن تەلەفوندى جاتار الدىندا كەم دەگەندە جارتى ساعان بۇرىن ءوشىرىپ قويۋعا جانە ميىڭىزدى تىنىقتىرۋ ءۇشىن كىتاپتار وقۋعا كەڭەس بەرەدى

 asylsoz.kz