07:22, 29 - ماۋسىم 2017 | GMT +6
ب ا ق: ا ق ش سيرياعا سوققى جاساۋ ءۇشىن اسكەرىن دايىندىق كۇيگە كەلتىردى
استانا. قازاقپارات - امەريكالىق اسكەري كەمەلەر مەن ۇشاقتار ا ق ش پرەزيدەنتىنەن ءتيىستى بۇيرىق تۇسكەن جاعدايدا سيرياعا سوققى جاساۋ ءۇشىن دايىندىق كۇيىنە كەلتىرىلدى.
بۇل تۋرالى CNN تەلەارناسى انونيمدى دەرەككوزگە سىلتەمە جاساپ حابارلادى. قازىرگى ۋاقىتتا امەريكالىق اسكەريلەر سيرياداعى شايرات اۋەبازاسىن باقىلاپ وتىر.
«رەسەي جاڭالىقتار» اگەنتتىگى ءمالىم ەتكەندەي، اسكەري قىزمەتشىلەر اتالمىش بازانى تاۋلىك بويى باقىلاۋدا، سەبەبى ءدال سول جەردەن حيميالىق شابۋىل جاسالۋى مۇمكىن. 7 -ساۋىرگە قاراعان ءتۇنى ا ق ش سيرياداعى شايرات ۇكىمەتتىك اۆيابازاسىنا «توموگاۆك» راكەتاسىمەن سوققى جاساعان بولاتىن. ا ق ش ول جەردە حيميالىق زاتتار ساقتالىپ وتىر دەگەن ءۋاجدى العا تارتقان ەدى.
