الماتى اكىمى يۋنيسەف وكىلدىگىمەن كەزدەستى
جۇزدەسۋ بارىسىندا ىنتىماقتاستىقتىڭ نەگىزگى باعىتتارى تالقىلاندى، دەپ حابارلايدى قازاقپارات ءتىلشىسى.
تاراپتار ءوزارا ىنتىماقتاستىڭ ءبىرقاتار باعىتتارىن، ونىڭ ىشىندە بالالاردى زورلىق-زومبىلىقتان قورعاۋدى، مۇگەدەك بالالارعا قولداۋ كورسەتۋدى، جاس وسپىرىمدەردىڭ پسيحيكالىق دەنساۋلىعىن جاسقارتۋدى كۇشەيتۋ ماسەلەلەرىن تالقىلادى.
«ماڭىزدىسى تەك ۇكىمەت دەڭگەيىندە جانە جاسالعان زاڭدار بويىنشا عانا ەمەس، سونىمەن قاتار وڭىرلەردە دە بالالارمەن جۇمىس ىستەۋدى دامىتۋ قاجەت. ءاربىر قالا جەرگىلىكتى جەردە كەز-كەلگەن ماسەلەنى شەشە الادى.
ماعان «الماتى-2020» دامۋ باعدارلاماسى ۇنايدى، بۇل ءبىزدىڭ مۇددەمىزگە ساي كەلەتىن قۇجات، مىسالى، بالا مەن انا ءولىمىن تومەندەتۋ ءبىزدىڭ مۇددەمىزدىڭ باسىم باعىتتارىنىڭ ءبىرى»- ، دەدى يۋري وكساميتنىي.
الماتى اكىمى يۋنيسەف باستامالارىن تولىق قولدايتىندىعىن جەتكىزدى. مەگاپوليس باسشىسى قالادا بالالاردىڭ ءبىلىمىن ارتتىرۋعا، جان-جاقتى دامۋىنا، جاس وسپىرىمدەردىڭ الەۋمەتتىك قورعالۋى مەن ينتەگراتسياعا ايرىقشا كوڭىل بولىنەتىنىن ايتتى.
ايتا كەتۋ كەرەك، بيىلعى جىل «جاستار جىلى» دەپ جاريالاندى. ارنايى جول كارتاسى جاسالىپ، وعان 5 ماڭىزدى باعىت ەندى. بۇدان وزگە الماتىدا بالا اسىراپ الۋ كورسەتكىشىنىڭ ارتۋىنا بايلانىستى جەتىمدەر ۇيىندەگى بالالاردىڭ سانى ازايىپ بارادى.
وتكەن جىلمەن سالىستىرعاندا ءۇش جەتىمدەر ۇيىندە تاربيەلەنۋشىلەر سانى 286 دان 242 گە ازايدى. ستاتسيونارلاردا، جارتىلاي ستانتسيونارلاردا جانە ۇيلەردە مۇگەدەك بالالارعا الەۋمەتتىك قىزمەت كورسەتىلەدى. جىلدىڭ باسىندا كامەلەت جاسىنا تولماعاندار اراسىندا قىلمىستىڭ الدىن الۋ جانە كامەلەتكە تولماعاندارعا جاعداي جاساۋدىڭ كەشەندى جوسپارى بەكىتىلگەن ەدى. مەكتەپ جاسىنا دەيىن ءبىلىم بەرەتىن مەكەمەلەر سالۋ جالعاسۋدا، ءارى بۇل ءىس مەملەكەتتىك- جەكەشەلىك سەرىكتەستىڭ قاعيداسى بويىنشا جۇزەگە اسۋدا.
