دۇنيەجۇزىلىك ساۋدا ۇيىمى كوميتەتىنىڭ وتىرىسى العاش رەت قازاقستاننىڭ توراعالىعىمەن ءوتتى
اعىمداعى جىلدا قازاقستان د س ۇ مۇشەسى بولعاننان كەيىن العاش رەت ۇيىمنىڭ ماڭىزدى كوميتەتتەرىنىڭ ءبىرىن باسقاردى، دەپ حابارلايدى ق ر س ءى م باسپا ءسوز قىزمەتى.
وتىرىسقا ب ۇ ۇ ازىق تۇلىك جانە اۋىل شارۋاشىلىق ۇيىمى (ف ا و)، ب ۇ ۇ ساۋدا جانە دامۋ كونفەرەنتسياسى (يۋنكتاد)، ب ۇ ۇ- نىڭ قورشاعان ورتا جونىندەگى باعدارلاماسى (يۋنەپ)، ەكونوميكالىق ىنتىماقتاستىق جانە دامۋ ۇيىمى (و ە س ر)، ستاندارتتاۋ بويىنشا حالىقارالىق ۇيىم (ي س و)، كليماتتىڭ وزگەرۋى بويىنشا ب ۇ ۇ كونۆەنسياسى (ر ك ي ك) جانە بارلىق د س ۇ مۇشە مەملەكەتتەرىنىڭ وكىلدەرى قاتىستى.
كەڭەستى اشا وتىرىپ، ج. ايتجانوۆا وسى جىلدىڭ جەلتوقسان ايىندا بۋەنوس-ايرەستە (ارگەنتينا) وتەتىن 11- د س ۇ مينيسترلىك كونفەرەنتسيانىڭ قورىتىندى كۇجاتتارىن زەردەلۋ ماقساتىندا ساۋدا جانە قورشاعان ورتا اراسىنداعى ەكىجاقتى قارىم-قاتىناستاردىڭ ماڭىزدىلىعىن اتاپ ءوتىپ، قاتىسۋشىلاردى اشىق جانە بەلسەندى پىكىرتالاسقا شاقىردى.
وتىرىس بارىسىندا د س ۇ حاتشىلىعى وكىلىنىڭ د س ۇ الاڭىندا وتكەن كەلىسسوزدەر جايلى بايانداماسى تىڭدالدى. جۇرگىزىلگەن كەلىسسوزدەردىڭ نەگىزگى ماقساتى بالىقتاردىڭ بەلگىلى تۇرلەرىن اۋلاۋعا بولىنەتىن قاراجاتقا تىيىم سالۋ جايلى كوپجاقتى كەلىسىمدەرگە كەلۋ بولىپ تابىلادى.
شامادان تىس بالىق اۋلاۋعا جانە بالىق اۋلاۋدىڭ دەڭگەيىن ارتتىراتىن، زاڭسىز، تىركەلمەگەن جانە رەتتەلمەگەن بالىق اۋلاۋعا بولىنەتىن قاراجاتقا تىيىم سالىنادى دەپ كۇتىلۋدە.
بۇل كەلىسسوزدەردىڭ د س ۇ مۇشەلەرى اراسىندا بەلسەندى تالقىلانىپ جاتقانى، جانە ولاردىڭ ءساتتى اياقتالۋى د س ۇ مينيسترلىك كونفەرەنتسياسىنىڭ ەڭ ماڭىزدى ناتيجەلەرىنىڭ ءبىرى بولاتىنىن اتاپ ءوتىلدى.
سونداي-اق، اۆستراليا وكىلى ەكولوگيالىق تاۋارلار جايلى پليۋريراتەرالدىق كەلىسىمگە قول قويۋ بويىنشا كەلىسسوزدەر ۇدەرىسى تۋرالى قىسقاشا بايانداما جاسادى.
كەلىسىم اكەلىنگەن تاۋارلارعا جانە جابدىقتارعا قاتىستى كەدەندىك باجداردى جويۋعا باعىتتالعان. بۇل، ءوز كەزەگىندە، شاعىن جانە ورتا بيزنەس سۋبەكتىلەرىنە «جاسىل» تەحنولوگيالارعا قولجەتىمدىلىگىن جاقسارتادى جانە جاڭارتىلعان ەنەرگيا كوزدەرى اياسىنداعى جوبالاردى دامىتۋعا قوسىمشا ىقپال ەتەدى.
كەزدەسۋ بارىسىندا فاو وكىلى زاڭسىز، تىركەلمەگەن جانە رەتتەلمەيتىن بالىق اۋلاۋعا قارسى كۇرەس تۋرالى ۇيىمنىڭ جوبالارىمەن حاباردار ەتتى.
زاڭسىز بالىق اۋلاۋ ماسەلەسىن قاداعالاۋدى جەدەل قولعا الۋ قاجەتتىلىگى دسۇ مۇشەلەرىنىڭ ءبىرقاتار دەلەگاتسيالارى اراسىندا قولداۋ تاپتى، جانە ولار وسى وندىرىسكە بالىق اۋلاۋدىڭ %30 نەمەسە 10-23 ميلليارد ا ق ش دوللارى تيەسىلى ەكەنى حابارلادى. كۇن تارتىبىندەگى تاعى ءبىر ماڭىزدى ماسەلەلەردىڭ ءبىرى - پاريج كليمات كەلىسىمىن ىسكە اسىرۋ ۇدەرىسىنە ارنالدى.
ر ك ي ك وكىلى وتىرىسقا قاتىسۋشىلاردى كليمات بويىنشا جالعاسىپ جاتقان حالىقارالىق تالقىلاۋ بارىسىمەن تانىستىرىپ ءوتتى. بۇگىنگى تاڭدا 148 ەل پاريج كەلىسىمىن راتيفيكاتسيالادى، ەندىگى باستى مىندەت ونى ىسكە اسىرۋ جونىندەگى جۇمىس باعدارلاماسىن پىسىقتاۋ بولىپ تابىلادى.
وسى سەگمەنت اياسىندا كورەيا رەسپۋبليكاسى، جاڭا زەلانديا جانە پەرۋ وكىلدەرى پاريج كەلىسىمىندە كورسەتىلگەن مىندەتتەرگە قول جەتكىزۋ ماقساتىندا ناقتى ۇلتتىق سالىمدار دەپ اتالاتىن ورتاق جوسپارلارىن ۇسىندى.
قازاقستان دەلەگاتسياسى وتىرىسقا قاتىسۋشىلاردى پاريج كەلىسىمىن ىسكە اسىرۋ بويىنشا ءوز باستامالارىمەن تانىستىرىپ، استانادا «بولاشاق ەنەرگياسى» تاقىرىبىمەن «ەكسپو-2017» كورمەسى ءوتىپ جاتقانىنان حاباردار ەتتى.
سونىمەن قاتار، دەلەگاتسيا مۇشەلەرىن «ەكسپو-2017» شەڭبەرىندە «ەنەرگەتيكانىڭ تۇراقتى دامۋىن قامتاماسىز ەتۋ» اتتى مينيسترلىك كونفەرەنسياسىنىڭ وتكەنى جانە «جاسىل» تەحنولوگيالار مەن ينۆەستيتسيالاردىڭ حالىقارالىق ورتالىعىن استانادا اشۋ تۋرالى شەشىم قابىلدانعانى تۋرالى اقپاراتتى قاتىسۋشىلارعا جەتكىزدى.
ساۋدا جانە قورشاعان ورتانى قورعاۋ جونىندەگى دسۇ ۇيىمىنىڭ كەزەكتى وتىرىسى 2017-جىلدىڭ قاراشا ايىنا جوسپارلانۋدا.
