قىتاي مەن قازاقستان سيفرلىق تەحنولوگيالار سالاسىندا ارىپتەستىكتى دامىتپاق
جىجياڭ پروۆينتسياسىنىڭ كومپانيالارى قازاقستاندىق سەرىكتەستەرىمەن سيفرلىق تەحنولوگيالاردى دامىتۋ بويىنشا ءبىرقاتار كەلىسىمگە كەلدى.
الماتىدا ءوتىپ جاتقان « جىجياڭ - قازاقستان» ينۆەستيتسيالىق فورۋمىنا اتالعان ايماقتىڭ 77 كومپانياسى باسشىلارى كەلدى.
«2016-جىلى قازاقستان مەن جىجياڭ پروۆينتسياسى اراسىنداعى تاۋار اينالىمى 500 ميلليون دوللار بولدى. ايماقتىڭ 20 كومپانياسى قازاقستانعا 520 ميلليون ا ق ش دوللارىن ينۆەستيتسيالادى.
قازاقستاندىق كاسىپكەرلەر 23 ميلليون دوللار كاپيتالمەن 16 كاسىپورىن قۇردى. «ءبىر بەلدەۋ - ءبىر جول» باعدارلاماسى اياسىندا ساۋدا-ونەركاسىپ سالاسىندا سەرىكتەستىگىمىز ارتا تۇسەدى دەگەن ويدامىز. فورۋمدا ءبىز IT، قورشاعان ورتانى قورعاۋ، دەنساۋلىق ساقتاۋ، تۋريزم، قارجى سالاسىنداعى ءوزارا ىىنتىماقتاستىق تۋرالى تالقىلايتىن بولامىز»، - دەدى جىجياڭ پروۆينتسياسى حالىقتىق ۇكىمەتىنىڭ ۆيتسە-گۋبەرناتورى ليان ليمين.
بۇگىنگى فورۋم بارىسىندا ەكى ەل اراسىنداعى ءى ت سالاسىنداعى ءوزارا كەلىسىمشارت جاسالدى. «Tech Garden» كومپانياسى مەن قىتايلىق «Jumо» ەلەكتروندىق كوممەرتسيا كومپانياسى اراسىندا b2b فورماتىندا كەلىسىم شارت جاسالدى.
سونداي-اق، «OpenLab» لابوراتورياسى ەلەكتروندىق قىزمەت، قارجىلىق ترانزاكتسيالار، ساقتاندىرۋ، لوگيستيكالىق سالاداعى IT تەحنولوگيالاردى ءبىر دەرەك قورىنا جيناقتاۋعا كومەكتەسەدى.
بۇل زەرتحانا سيفرلىق پىشىندەگى قاتىناستاردى مودەلدەۋگە مۇمكىندىك بەرەتىن عىلىمي بازا بولىپ وتىر.
اۆتور: گۇلميرا عوسمانالي
