ەنەرگەتيكا سالاسىنداعى عىلىمي-تەحنيكالىق الەۋەتتى دامىتۋ قاجەت - ن. نازاربايەۆ
بۇل تۋرالى بۇگىن ەلوردادا وتكەن شەتەلدىك ينۆەستورلار كەڭەسىنىڭ 30-جالپى وتىرىسىندا ق ر پرەزيدەنتى نۇرسۇلتان نازاربايەۆ ايتتى، دەپ حابارلايدى قازاقپارات.
«ەنەرگەتيكا سالاسىنداعى مەنشىكتى عىلىمي-تەحنيكالىق الەۋەتتى دامىتۋ، عىلىمي قولدانبالى زەرتتەۋلەر جۇرگىزۋ، مامانداردى وقىتۋ ءارى دايىنداۋ ءۇشىن جاعدايلار جاساۋ قاجەت. مۇنىمەن بەيىندى مينيسترلىكتەر، ۋنيۆەرسيتەتتەر، حالىقارالىق «جاسىل» تەحنولوگيالار ورتالىعى مەن ينۆەستورلار بەلسەندى اينالىسۋى ءتيىس. بۇل ماسەلەدە شەتەلدىك ينۆەستورلار كەڭەسى ءوز ۇلەسىن قوسا الاتىندىعىنا سەنىمدىمىن»، - دەدى قازاقستان پرەزيدەنتى.
ايتا كەتەيىك، شەتەلدىك ينۆەستورلار كەڭەسى قازاقستان پرەزيدەنتىنىڭ توراعالىعىمەن وتەتىن كەڭەسشى-كونسۋلتاتيۆتى ورگان بولىپ سانالادى. كەڭەس 1998-جىلى ەلدەگى ينۆەستيتسيالىق قىزمەت پەن ينۆەستيتسيالىق احۋالدى جاقسارتۋمەن تىكەلەي بايلانىستى وزەكتى ماسەلەلەردى ءتيىمدى شەشۋ ءۇشىن مەملەكەت پەن شەتەلدىك ينۆەستورلار اراسىنداعى تىكەلەي ءۇن قاتىسۋدى قامتاماسىز ەتۋ ماقساتىندا قۇرىلعان.
ەلدىڭ ينۆەستيتسيالىق ساياساتى مەن ەكونوميكالىق دامۋىنىڭ باستى اسپەكتىلەرى بويىنشا قازاقستان پرەزيدەنتى مەن ۇكىمەتىنىڭ قاراۋىنا ۇسىنىمدار مەن ۇسىنىستاردى ازىرلەۋ كەڭەستىڭ باستى مىندەتى سانالادى.
اۆتور: مارلان جيەمباي
