ۇلتتىق بانك وكىلدەرى تەڭگەنىڭ دوللارعا قاتىستى باعامى نەگە السىرەگەنىن ايتتى
بۇل تۋرالى ۇلتتىق بانكىنىڭ باسپا ءسوز قىزمەتى حابارلادى.
بانكتىڭ مونەتارلىق وپەراتسيالار دەپارتامەنتىنىڭ ديرەكتورى ءاليا مولدابەكوۆانىڭ ايتۋىنشا، سوڭعى اپتالاردا مۇناي باعاسىنىڭ ءبىر باررەل ءۇشىن 46 دوللار دەڭگەيگە دەيىن جانە ودان از تومەندەۋى نارىقتاعى ۇسىنىستىڭ بولجامدى ارتىقشىلىعى بويىنشا جاڭالىقتار اياسىندا ورىن الۋدا. ونىڭ ايتۋىنشا، ليۆياداعى مۇنايدىڭ ۇلعايىپ كەلە جاتقان ءوندىرىسى جانە ا ق ش- تاعى تاقتاتاس مۇناي ءوندىرىسىنىڭ ءوسۋى تۋرالى جاڭالىق نارىقتا ۇسىنىستى تومەندەتۋ بويىنشا و پ ە ك شارالارىنىڭ تابىستىلىعىنا كۇماندانۋعا ءماجبۇر ەتتى.
«نارىقتاعى بولجام بويىنشا، ۇسىنىستىڭ ارتىق بولۋى بولجانعاننان گورى ۇزاعىراق ساقتالادى. وسىلايشا، وپەك كەلىسىمىنىڭ تيىمدىلىگى بارىنشا كۇمان تۋدىرادى»، - دەپ اتاپ ءوتتى ءاليا مولدابەكوۆا.
باسپا ءسوز قىزمەتىنىڭ مالىمەتىنشە، ۇلتتىق ۆاليۋتانىڭ السىرەۋى قازاقستاندا عانا ەمەس، ەكونوميكاسى ۇقساس باسقا ەلدەردە دە بايقالىپ وتىر. «اپتانىڭ باسىنان باستاپ مۇناي باعاسىنىڭ وڭ تۇزەتۋى بار مىناداي ۆاليۋتالاردىڭ كەيبىر تومەندەۋى بولدى: 19 -ماۋسىمدا كۇن جابىلعاننان باستاپ اعىمداعى ساتكە دەيىن تەڭگە شامامەن 2,3 پايىزعا، رەسەي رۋبلى 2.7 پايىزعا؛ كانادا دوللارى 0.5 پايىزعا؛ برازيليا رەالى 1.4 پايىزعا، نورۆەگيا كروناسى 0.7 پايىزعا تومەندەدى. جۇمادان باستاپ تەڭگە 3 پايىزعا، رەسەي رۋبلى 4 پايىزعا، كانادا دوللارى 0.6 پايىزعا، برازيليا رەالى 1.1 پايىزعا، نورۆەگيا كروناسى 1.4 پايىزعا قۇلدىرادى.
قازاقستان ۇلتتىق بانكى ءوز كەزەگىندە ۆاليۋتا نارىعىنداعى احۋالدى قاداعالاۋىن جالعاستىرىپ وتىر جانە ارتىق قۇبىلمالىلىقتى رەتتەۋ جونىندە شارالار قابىلداۋ قۇقىعىن وزىنە قالدىرىپ وتىر. 2015 -جىلعى 20 -تامىزدا ۆاليۋتانىڭ ەركىن وزگەرمەلى باعامىنىڭ رەجيمىنە وتكەن ساتتەن باستاپ ۇلتتىق ۆاليۋتانىڭ ايىرباستاۋ باعامى نارىقتىق بولىپ تابىلادى جانە ۆاليۋتا نارىعىنداعى سۇرانىس پەن ۇسىنىس نەگىزىندە قالىپتاسادى. بۇل قارجى سەكتورىنداعى تەڭگەرىمسىزدىكتىڭ جيناقتالماۋىنا، سونداي-اق ەكونوميكانىڭ سىرتقى فاكتورلاردىڭ وزگەرىستەرىنە ورنىقتىلىعىن ارتتىرۋعا مۇمكىندىك بەرەدى.
