ومبى قازاقتارى العاش رەت قىمىزمۇرىندىق مەرەكەسىن تويلادى

استانا. قازاقپارات - رەسەيدىڭ ومبى قالاسىندا العاش رەت قىمىزمۇرىندىق مەرەكەسى تويلاندى. شەكارالاس ايماقتا تۇراتىن قازاقتار ەجەلگى ءداستۇردى جاڭعىرتىپ، ساقتاردىڭ سۇيىكتى سۋسىنىن ساپىردى.

 ايداربەك ايتمۇحامبەت ۇلى، ءتىلشى:

ومبى قالاسىنىڭ ءتورى قازاقى اۋىلعا اينالعانداي. ورتالىق ساياباقتا اقشاڭقان كيىز ءۇي تىگىلىپ، دالاداي داستارقان جايىلدى. ومبى وبلىسىندا تۇراتىن قانداستارىمىز بيىل ءبىرىنشى رەت قىمىزمۇرىندىق مەرەكەسىن تويلاپ، مارە- سارە بولىپ جاتىر. بۇل ەجەلگى سالت- ءداستۇر. ەل- جۇرت جاز جايلاۋعا جايعاسىپ، بيە بايلاپ، اعايىندى العاشقى قىمىزعا شاقىرادى. ومبىلىق قازاقتار دا ساقتاردىڭ سۇيىكتى سۋسىنىن ساپىرىپ، ادەت- عۇرپىن دارىپتەدى.

مەرەكەگە 100 ليتردەي قىمىز دايىندالدى. كۇن ىستىق. سوندىقتان جينالعاندار ءشولىن ۇلتتىق سۋسىنمەن قاندىردى. قاراكوز ونەرپازدار كونسەرت ۇيىمداستىرىپ، ءان مەن جىردان شاشۋ شاشتى. ءبىر سوزبەن ايتقاندا اعايىن ارقا- جارقا.

 ايگەرىم دۇنگەنەنوۆا، ومبى قالاسىنىڭ تۇرعىنى:

 - قىمىزدى وتە جاقسى كورەمىز. سەبەبى ول ءبىر جاعىنان دەنساۋلىققا پايدالى، ەكىنشىدەن، اتا- بابادان قالعان ءداستۇردى جاڭعىرتىپ، قىمىزمۇرىندىق مەرەكەسىن تويلاپ جاتىرمىز. وسى ومبى جەرىنە بارلىق قازاق جۇرتى جينالىپ، ەلگە پاش ەتىپ جاتىرمىز.

التىناي ءجۇنىسوۆا، «ءمولدىر» قازاق مادەني ورتالىعىنىڭ باسشىسى:

 - قازاقستانننىڭ استاناسى بىزگە جاقىندادى. نەبارى 800 شاقىرىم جەر عانا. قازاقستاندا بولعان جاڭالىقتاردىڭ ءبارىن كورىپ وتىرامىز. قۋانامىز. كەشە عانا اشىلعان ەكسپو كورمەسىنە AirAstana رەيسىمەن ۇشىپ بارامىز. ايداربەك ايتمۇحامبەت ۇلى، ءتىلشى:

قىمىزمۇرىندىق - بەرەكە- بىرلىكتى بەكەمدەيتىن مەرەكە. توي- دۋماننان وزگە ۇلتتار دا قالىس قالمادى. وزبەك، تاجىك، ءازىربايجاندار دا ۇلتتىق تاعامدارىن دايىنداپ، ءدام تاتقىزدى. جالپى ومبى وبلىسىندا قايماعى بۇزىلماعان 40-تان استام قازاقى اۋىل ءتۇتىن تۇتەتىپ وتىر. وڭىردە 300 مىڭداي قانداس باۋىر تۇرادى. ولار سالت- داستۇرلەرىن ۇمىتپاي، ونى كوزدىڭ قاراشىعىنداي ساقتاپ كەلەدى.

www.24.kz