رۋمىنيادا قازاقستان ءۇشىن «بۇركىت» ارنايى كەمەسى جاسالدى

استانا. قازاقپارات - رۋمىندىق برەيلا قالاسىندا «بۇركىت» مامانداندىرىلعان كەمەسىن ىسكە قوسۋ سالتاناتتى ءراسىمى ءوتتى، دەپ حابارلادى «قازاق تەڭىزكولىك فلوتى» باسپا ءسوز قىزمەتى.

«كەمە «تەڭىزشيەۆرويلدى» كەڭەيتۋ جوباسى اياسىندا تاسىمالداناتىن قۇرىق پورتى - پرورۆا پورتى (كاسپي تەڭىزىنىڭ قازاقستاندىق بولىگىنىڭ سولتۇستىك بولىگى) مارشرۋتى بويىنشا گاباريتتى ەمەس جۇكتى تاسىمالداۋ ءۇشىن جاسالدى»، - دەلىنگەن حابارلامادا.

 2018 -جىلدان باستاپ 2021 -جىل ارالىعىندا 3 جىل ىشىندە 75-كە جۋىق گاباريتى ەمەس ۇلگىنى تاسىمالداۋ جوسپارلانعان. «بۇركىت» ت ش و كەڭەيتۋ جوباسى اياسىندا 3 ارنايى كەمە جاساۋ جوسپارلانعان. بۇل - ەكىنشى كەمە. ونىڭ الدىندا «بارىس» كەمەسى وسى جىلعى 12- مامىردا سۋعا جىبەرىلدى.