اتىشۋلى ترامپ ءوزىنىڭ قىزمەتىن تەرگەۋگە قاتىستى حابارعا اشۋلاندى

استانا. قازاقپارات - ا ق ش پرەزيدەنتى دونالد ترامپ FBI- دىڭ (فەدەرالدى تەرگەۋ بيۋروسى) بۇرىنعى باسشىسى دجەيمس كوميدى قىزمەتىنەن الۋىنا قاتىستى تەرگەۋ جۇمىستارىنىڭ باستالعانىنا اشۋلى دەپ جازادى Centralasian.org.

«امەريكا تاريحىنداعى ەڭ ءىرى جالماۋىزدى اۋلاۋ. باستاپقىدا رەسەيمەن بايلام جاسادى دەپ كۋالىك ىزدەمەك بولدى. ءبىراق ودان تۇك شىقپادى. ەندى ادىلەتتىلىكتى بۇزدى دەگەندى ويلاپ تاپتى»، - دەپ جازعان پرەزيدەنت ءوزىنىڭ Twitter پاراقشاسىنا.

ول The Washington Post گازەتىنىڭ «ارنايى پروكۋرور روبەرت ميۋللەر پرەزيدەنت ارەكەتىنىڭ زاڭدىلىعىن تەكسەرىپ جاتىر» دەگەن اقپاراتىنا پىكىرىن ءبىلدىردى.

روبەرت ميۋللەر كەزىندە FBI- ءدى باسقارعان. كەيىن ادىلەت مينيسترلىگىندەگى ارنايى پروكۋرور قىزمەتىنە تاعايىندالدى.

دجەيمس كومي بولسا سەناتتا تىڭداۋ كەزىندە ءوزىنىڭ قىزمەتىنەن الىنۋىنا اق ءۇيدىڭ رەسەيمەن بايلانىسىن زەرتتەۋگە كىرىسكەنى سەبەپ بولعانىن ايتقان.