قازاقستاندا زاماناۋي جەل ەلەكتر ستانسالارى سالىنۋى مۇمكىن
ەلىمىزدىڭ كليماتىن پايدالانا وتىرىپ، بالامالى ەنەرگيانى كورشى ەلدەرگە دە تاسىمالداۋعا بولادى، دەپ حابارلايدى قازاقپارات ءتىلشىسى.
قازاقستاننىڭ شۆەتسياداعى توتەنشە جانە وكىلەتتى ەلشىسى داستان ەلەۋكەنوۆتىڭ ايتۋىنشا، ول قوندىرعىلار قازىرگى جەل ەلەكتر ستانسيالارىنا ۇقسامايدى. اتالعان تەحنولوگيادا جاڭا كومپوزيتتىك ماتەريالدار قولدانىلادى. سونداي-اق كومپيۋتەرلىك باسقارۋ جۇيەسى دە جەتىك.
«ونداي قوندىرعىلاردى ورناتۋ وڭاي. ايتپەسە، قازىر الىپ تۋربينالاردى قويۋ ءۇشىن تىكۇشاقتىڭ كومەگىنە جۇگىنۋ كەرەك. ال شۆەدتەر ۇسىنىپ وتىرعان قوندىرعىلار جەڭىل ءارى ەنەرگيانى ءوندىرۋ كولەمى ارتىق. ولاردىڭ ستراتەگيالىق جوسپارلاۋ ماماندارى قازاقستاندى جان-جاقتى زەردەلەپ، جاڭا جەل ەلەكتر قوندىرعىلارىن وسىندا ورناتقان دۇرىس دەگەن شەشىمگە كەلدى. سەبەبى بىزدە ينۆەستيتسيالىق جاعداي دا، كليمات تا ىڭعايلى. ول ەنەرگيانى ەكسپورتتاۋعا دا بولادى ەكەن»، - دەدى د. ەلەۋكەنوۆ بۇگىن استاناداعى باسپا ءسوز ءماسليحاتىندا.
ەلشىنىڭ سوزىنە قاراعاندا، بۇگىندە ناقتى شەشىم جوق. سەبەبى قارجىنىڭ كوزى ءالى انىقتالماعان. «سوڭعى ەكى جىل بويى ءبىز وسى ماسەلەمەن اينالىسىپ كەلەمىز. جاڭا جەل ەلەكتر ستانسالارى وسىندا سالىنادى دەپ ويلايمىز. ءبىز سوعان كۇش سالامىز»، - دەپ اتاپ كورسەتتى ەلشى.
ايتا كەتەيىك، باسپا ءسوز ءماسليحاتى بارىسىندا ەلشى د. ەلەۋكەنوۆ شۆەدتەردىڭ قازاقستاندى قانشالىقتى بىلەتىنى جايىندا ايتىپ بەردى. ونىڭ ايتۋىنشا، شۆەد حالقى «ستان» جۇرناعى بار ەلدەردى ءالى كۇنگە دەيىن ايىرا المايدى.
