قازاقستان پرەزيدەنتى قازاندا شۆەتسياعا ساپارمەن بارادى
كەزدەسۋدى اشۋ بارىسىندا ق. توقايەۆ ەكىجاقتى قارىم-قاتىناستاردىڭ قارقىندى دامىپ كەلە جاتقانىن اتاپ ءوتتى.
سەنات جەتەكشىسى ق ر پرەزيدەنتى نۇرسۇلتان نازاربايەۆتىڭ بيىلعى قازان ايىنا بەلگىلەنگەن ستوكگولمگە ساپارى ەكى ەل اراسىنداعى، اسىرەسە ساۋدا مەن ينۆەستيتسيالار سالاسىنداعى ىنتىماقتاستىقتى جاڭا ساپالى دەڭگەيگە كوتەرەتىندىگىنە سەنىم ءبىلدىردى.
شۆەتسيا يننوۆاتسيالىق جوبالاردى جۇزەگە اسىرۋدا الەمدىك كوشباسشىلاردىڭ ءبىرى. وسىعان بايلانىستى ق. توقايەۆ ەلىمىزدىڭ اۋماعىنا جوعارى تەحنولوگيالىق وندىرىستەر سالۋعا دايىن شۆەد كومپانيالارىنىڭ قازاقستان نارىعىنا ەنۋىنە قىزىعۋشىلىق ءبىلدىردى. سونداي-اق، سەنات سپيكەرى جاڭارتىلاتىن ەنەرگيانى قولدانۋ بويىنشا شۆەتسيانىڭ تاجىريبەسى قازاقستاندا سۇرانىسقا يە بولۋى مۇمكىن ەكەندىگىن جەتكىزدى.
ق. توقايەۆ شۆەتسيا پارلامەنتىنىڭ قازاقستان مەن ەۋروپالىق وداق اراسىنداعى سەرىكتەستىكتى كەڭەيتۋ جانە ىنتىماقتاستىق تۋرالى كەلىسىمدى راتيفيكاتسيالاعان العاشقى مەملەكەتتەردىڭ ءبىرى بولعانىن اتاپ ءوتتى.
ەۋروپالىق وداق سايكەسىنشە، استانانىڭ جەتەكشى ساۋدا-ەكونوميكالىق جانە ينۆەستيتسيالىق سەرىكتەسى.
ايجان سەرىكجان قىزى
