قىتايدا كيىز ءۇي پىشىنىندە كونسەرت زالى اشىلدى- فوتو

استانا. قازاقپارات - ق ح ر التاي ايماعىنىڭ بۋىرشىن اۋدانىندا قازاق ءۇي فورماسىنداعى ەڭ ۇلكەن كونسەرت زالى بوي كوتەردى، دەپ حابارلايدى قازاقپارات altxw.com سايتىنا سىلتەمە جاساپ.

قىتايلىق سايتتىڭ جازۋىنشا، شىنجاڭداعى كيىز ءۇي تۇرىندەگى ەڭ ۇلكەن كونسەرتتىك زالدىڭ قۇرىلىسى 13 - ماۋسىم كۇنى اياقتالدى. بىرەگەي نىسان «التاي مارال پاتشاسى» اتىنداعى مادەنيەت ساياباعىندا اشىلدى.

قۇرىلىستىڭ جالپى اۋماعى 800 شارشى مەتردەن استام، وندا 600 ادام مادەني شارالاردى ەركىن وتىرىپ تاماشالاي الادى. بۇل، ەركەشە مادەني نىسانعا باس سۇققان تۋريستەردىڭ قازاق مادەنيەتىن تانىپ- بىلۋگە دەگەن قىزىعۋشىلىعى ارتا تۇسەتىنى ءسوزسىز.

اۆتور: باقىتجول كاكەش