08:17, 15 - ماۋسىم 2017 | GMT +5
گوللانديا ازاماتى ەكسپو- عا «كەمپەرمەن» كەلدى
استانا. قازاقپارات - فرانك بولدەر 4 مىڭ شاقىرىم جەردى ارتقا تاستاپ، «كەمپەر» دەپ اتالاتىن ءۇي- كولىكپەن استانا قالاسىنا جەتتى، دەپ حابارلايدى قازاقپارات ءتىلشىسى.
«ءبىز ەكسپو كورمەسىنە العاش رەت قاتىسىپ وتىرمىز. سوندىقتان استاناداعى كورمە ماڭگى ەسىمىزدە قالادى. بۇل جاقتاعى جازدىڭ اۋا- رايى گوللانديانىڭ كليماتىنا ۇقسايدى ەكەن. ءوز باسىم استاناداعى ساۋلەت ونەرىنە تاڭقالدىم. بولاشاقتىڭ قالاسى سياقتى. كەڭەستىك زاماننىڭ ساۋلەتىمەن سالىستىرعاندا، استانا فۋتۋريستىك سيپاتتا سالىندى. ءبىز بۇكىل ەۋروپانى، يران، موڭعوليا مەن تۇركيانى ارالاپ شىقتىق. الايدا بۇنداي قالانى ءالى كورگەن ەمەسپىن»، - دەيدى فرانك بولدەر.
بىرنەشە كۇننەن كەيىن تۋريست كەرى قايتپاقشى. رەسەي، ۋكراينا مەن گەرمانيا ارقىلى نيدەرلاندقا جەتەمىن دەگەن جوسپارى بار.
«مىنا جاقتا بىزگە وتە ۇنادى. ءبىز استاناداعى ەكسپو- نى كورۋ ءۇشىن 4 مىڭ شاقىرىمدى ارتقا تاستاپ كەلدىك. سوعان ەشبىر وكىنبەيمىز»، - دەپ اتاپ كورسەتتى شەتەلدىك مەيمان.
اۆتور: ارمان اسقاروۆ
