سولتۇستىك كورەيادا بوساتىلعان امەريكالىق ستۋدەنت ەسسىز كۇيدە جاتىر
«وتتونى سولتۇستىك كورەيادان شىعاردى. ونى ۇيىنە ەۆاكۋاتسيالاپ جاتىر. بىزگە ونىڭ ناۋرىزدان بەرى كومادا جاتقانىن ايتتى. ءبىز بۇل تۋرالى ءبىر اپتا بۇرىن عانا بىلدىك» دەلىنگەن ونىڭ اتا- اناسى فرەد جانە سينديدىڭ مالىمدەمەسىندە. امەريكالىق ستۋدەنتتىڭ بوساتىلعانىن ا ق ش مەملەكەتتىك حاتشىسى رەكس تيللەرسون راستادى.
وسى ىسكە قاتىستى مالىمدەمە جاساعان ا ق ش مەملەكەتتىك دەپارتامەنتى قاماۋداعى تاعى 3 ازاماتتى بوساتۋ تۋرالى كەلىسسوز ءجۇرىپ جاتقانىن جەتكىزدى.
ايتا كەتەيىك، وتتو ۆومبيەر سولتۇستىك كورەياعا 2015 -جىلى جەلتوقسان ايىندا ساياحاتتاپ بارعان. ءبىراق شەتەلدىكتەرگە ارنالعان قوناق ءۇيدىڭ سىرتقى قابىرعاسىنداعى ساياسي ءۇنپاراقشانى شىركەۋ وكىلىنىڭ سۇراۋىمەن جۇلىپ تاستاعان. وسىدان كەيىن جەرگىلىكتى بيلىك ول دۇشپاندىق نيەتپەن ارەكەت ەتتى دەپ 15 جىلعا باس بوستاندىعىنان ايىرعان ەدى.
رەكس تيللەرسون، ا ق ش مەملەكەتتىك حاتشىسى:
- پرەزيدەنتتىڭ جارلىعىمەن مەملەكەتتىك دەپارتامەنت وتتو ۆومبيەردى بوستاندىققا شىعارۋعا قول جەتكىزدى. ءبىز ونىڭ دەنساۋلىعىنا قاتىستى ەشنارسە ايتا المايمىز. قازىر تاعى ءۇش امەريكالىق ازاماتتى بوساتۋ جونىندە كەلىسسوز جۇرگىزىلىپ جاتىر.
ۋورمبيەردىڭ سوتى 2016 -جىلى ناۋرىزدا ءوتىپ، ءبىر- اق ساعات بولعان. سودان بەرى ونى كوپشىلىك الدىنا شىعارماعان. سولتۇستىك كورەياداعى شۆەتسيا ديپلوماتتارىنا ۋورمبيەرمەن كەزدەسۋگە رۇقسات ەتپەگەن. ۆاشينگتوننىڭ سولتۇستىك كورەيامەن تىكەلەي ديپلوماتيالىق بايلانىسى جوق بولعاندىقتان بۇل ەلدە ا ق ش مۇددەسىن شۆەتسيا جۇزەگە اسىرادى. ا ق ش اقپارات قۇرالدارى بۇعان دەيىن ستۋدەنتتىڭ ناۋقاس ەكەنىن جازعان.
وتتو ۋورمبيەردىڭ اتا- اناسىنىڭ مالىمدەمەسىندە «سولتۇستىك كورەيا رەجيمىنىڭ ءبىزدى جانە ۇلىمىزدى قالاي قورلاعانىن بۇكىل الەم بىلگەنىن قالايمىز. ونىڭ ءوزىن جاقسى كورەتىن ادامداردىڭ ورتاسىندا بولاتىنىنا سونداي ريزامىز» دەلىنگەن.
ۆاشينگتون سولتۇستىك كورەيانى ۋورمبيەردى ساياسي تۇتقىن رەتىندە پايدالاندى دەپ ايىپتاپ، وعان كەسىلگەن جازانى جاساعان قىلمىسىنا ساي ەمەس دەپ سىناعان.
www.24.kz
