قازاقستان مەن قىرعىزستان اراسىنداعى تەمىرجول قىزمەتىنە قاتىستى قۇجات ماقۇلداندى
تاريفتىك ساياسات نەگىزدەرىن قوسا العاندا، تەمىرجول كولىگى كورسەتەتىن قىزمەتتەرگە قول جەتكىزۋدى رەتتەۋ ءتارتىبىن قولدانۋ تۋرالى كەلىسىمدى راتيفيكاتسيالاۋ تۋرالى» زاڭ جوباسىن ماقۇلدادى، دەپ حابارلايدى قازاقپارات.
«قول قويىلعان كەلىسىم 2017-جىلى 10- قاڭتاردان باستاپ ۋاقىتشا قولدانىلادى جانە ەكى مەملەكەت اراسىنداعى ەۋرازيالىق ەكونوميكالىق وداق شارتىنىڭ كەلەسىدەي قاعيدالارىن قاراستىرادى.
بىرىنشىدەن، تاراپتار قازاقستاندىق جانە قىرعىزستاندىق تۇتىنۋشىلار ءۇشىن تەمىرجول كولىگى مەن ينفراقۇرىلىم قىزمەتتەرىنە قولجەتىمدىگىن تەڭ دارەجەدە قامتاماسىز ەتۋ، ودان باسقا ينفراقۇرىلىم نىساندارىنا، تەمىرجول تاسىمالداۋشىلارىنا تەڭ قولجەتىمدىلىك قامتىلادى.
قازاقستاندا جوعارىدا اتالعان تالاپتار 2014-جىلى ەۋرازيالىق ەكونوميكالىق وداق تۋرالى شارتى كۇشىنە ەنگەن كۇننەن باستاپ قويىلا باستادى. قىرعىز تاراپى 2016 -جىلى ءتيىستى وزگەرىستەردى ەنگىزدى.
ەكىنشىدەن، قازاقستان رەسپۋبليكاسى مەن قىرعىز رەسپۋبليكاسى اراسىنداعى جانە تاراپتارمەن ە ا ە و تۋرالى شارتىنىڭ اياسىندا ترانزيتتىك تاسىمالداناتىن جۇكتەردى ءبىرىڭعاي تاريفتەرمەن قولدانۋ ءتارتىبى ەسكەرىلگەن»، - دەدى ق ر ينۆەستيتسيالار جانە دامۋ ءمينيسترى جەڭىس قاسىمبەك زاڭ جوباسى بويىنشا بايانداماسىندا.
ونىڭ اتاپ وتۋىنشە، ءبىرىڭعاي تاريفتەردى قولدانۋ تاسىمالداۋ كولەمىنىڭ ۇلعايۋىن قامتاماسىز ەتەدى. بۇگىندە ەكى ەل اراسىنداعى تاسىمالداۋ كولەمى وتكەن جىلعى سايكەس كەزەڭمەن سالىستىرعاندا 14 پايىزعا ءوستى.
