07:19, 13 - ماۋسىم 2017 | GMT +6
ۇلى بريتانيانىڭ ەۋرووداقتان شىعۋى بويىنشا كەلىسسوزدەر وتەتىن كۇن بەلگىلى بولدى
استانا. قازاقپارات - Brexit بويىنشا ( ۇلى بريتانيانىڭ ەۋروپالىق وداقتان شىعۋى) بريتاندىق مينيستر دەۆيد دەۆيدس لوندون مەن بريۋسسەل اراسىنداعى رەسمي كەلىسسوزدەر 19- ماۋسىمدا باستالاتىنىن مالىمدەدى.
دەۆيدستىڭ ايتۋىنشا، بۇل جەردە اڭگىمە بىرىككەن كورولدىكتە ءومىر سۇرەتىن ەۋروپالىقتاردىڭ تاعدىرى تۋرالى جانە ەۋرووداق ەلدەرىندە تۇرىپ جاتقان بريتاندىقتار جايلى بولىپ وتىر.
«ەشقانداي قاۋىپ جوق. بريتاندىقتار ۋايىمعا سالىنباۋلارى ءتيىس»، - دەپ مالىمدەدى شەنەۋنىك.
ەسكە سالا كەتسەك، 8- ماۋسىم كۇنى ۇلى بريتانيادا كەزەكتەن تىس پارلامەنتتىك سايلاۋ ءوتتى. كونسەرۆاتيۆتىك پارتيا جەڭىسكە جەتتى، الايدا ءبىرپارتيالىق ۇكىمەت قۇرۋ مۇمكىندىگىنەن ايىرىلدى.
