قاراعاندى شەنەۋنىكتەرى قىزمەتتىك كولىكتى جەكە ماقساتتا پايدالانبايتىن بولادى
بۇل جاپسىرمالار مەملەكەتتىك قىزمەتشىلەردىڭ قىزمەتتىك كولىكتى جەكە ماقساتتا پايدالانۋ فاكتىلەرىن بولدىرماۋ ماقساتىندا ەنگىزىلەۋدە.
«ءبىرىنشى تامىزعا دەيىن جەرگىلىكتى اتقارۋشى ورگانداردىڭ بارلىق قىزمەتتىك كولىكتەرىندە ارنايى بەلگى قويىلۋى ءتيىس. بۇل قىزمەتتىك كولىكتى جۇمىستان تىس ۋاقىتتا جەكە ماقساتتا پايدالاناتىندارمەن كۇرەسۋگە جاردەمدەسەدى»، - دەپ حابارلادى قاراعاندى وبلىسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل دەپارتامەنتىنىڭ باسپا ءسوز قىزمەتىنەن.
جاپسىرمالار الدىڭعى ەسىكتەرگە - جۇرگىزۋشى مەن جولاۋشى جاعىنان جاپسىرىلۋى ءتيىس. ولار اۋارايى جاعدايلارىندا زاقىمدانبايتىن ماتەريالداردان جاسالدى.
ايتا كەتەيىك، مەملەكەتتىك ورگانداردىڭ قىزمەتتىك كولىكتەرىنە مۇنداي بەلگى تەك قاراعاندى وبلىسىندا عانا پايدا بولادى.
اۆتور: حاسەنوۆا تازاگۇل
