09:24, 12 - ماۋسىم 2017 | GMT +5
شۆەيتساريالىقتار كەز كەلگەن جازىقتىقتا ۇشاتىن درون ويلاپ تاپتى - كەسكىن
استانا. قازاقپارات - شۆەيتساريادا كەز كەلگەن باعىتتا ەركىن قوزعالا الاتىن درون قۇراستىرىلدى.
وزدىگىنەن باسقارىلاتىن باسقا اۋە قۇرالدارى تەك كولدەنەڭ ۇشاتىن بولسا، Voliro كەز كەلگەن ەڭىستە ەركىن قوزعالا الادى. ونى بارلىق باعىتقا بۇرىلا الاتىن التى زىرىلداۋىق قالاقشالارىنىڭ ارقاسىندا جاساۋ مۇمكىن بولدى. گەكساكوپتەردى تسيۋريح اتىنداعى شۆەيتساريا جوعارى تەحنيكالىق مەكتەبى مەن تسيريۋح ونەر ۋنيۆەرسيتەتىنىڭ 11 ستۋدەنتى ويلاپ تاپتى.
ولار بۇل جوبانى توعىز اي بويى جاساپ، ماۋسىم ايىنىڭ باسىندا وزدىگىنەن باسقارىلاتىن ۇشاقتىڭ العاشقى ءتۇپ نۇسقاسىن ۇسىندى.
بولاشاقتا درون تىك ۇشىپ، ورتاسىنداعى سفەراسى ارقىلى كەز كەلگەن نۇكتەگە توقتاي الاتىن بولادى. گەكساكوپتەردىڭ ساتىلىمعا شىعارىلاتىندىعى ازىرگە بەلگىسىز.
