حالىقارالىق عارىش ستانساسىندا نان پىسىرىلە باستايدى
ونى كەلەسى جىلى سىناقتان وتكىزۋ كوزدەلىپ وتىر، دەپ حابارلايدى قازاقپارات روس بالت اگەنتتىگىنە سىلتەمە جاساپ.
اتاپ وتىلگەندەي، دايىن عارىشتىق تاعامدار جىلدان- جىلعا جاقسارىپ كەلەدى، ءبىراق استروناۆتتاردىڭ ۇزاقمەرزىمدى ميسسيالارى ءۇشىن بارلىق استارىن وزدەرىمەن بىرگە الىپ كەتۋ ءتيىمسىز. سوندىقتان عالىمدار كوپ توننالى قوردى جەردەن ارقالاماي، ونى عارىشتا دايىنداۋ باعىتىندا جۇمىس ىستەۋدە.
عىلىمي ازىرلەمەلەر قانت ءوندىرىسى مەن كوكونىستەردى وسىرۋگە ارنالعان باكتەريالارعا قاتىستى بولىپ وتىر. جاڭا پىسكەن اس عارىشتاعى استروناۆتار ءۇشىن عانا ەمەس، تۋريستەرگە دە قولايلى بولار ەدى، دەپ جازادى روسبالت.
«عارىش تۋريزمى تانىمال بولا باستاۋىنا بايلانىستى جانە ادامدار عارىشتا كوپ ۋاقىت وتكىزۋدى قالاعان سايىن، بىزگە عارىش جاعدايىندا نان ءپىسىرۋ جۇيەسىن قايتا جاساپ شىعۋعا تۋرا كەلەدى»، - دەيدى Bake In Space كومپانياسىنىڭ نەگىزىن قالاۋشى سەباستيان ماركۋ.
اۆتور: ميرا تولەندى قىزى
