ەكسپو اۋماعىندا درونداردى زاڭسىز پايدالانعاندار ۇستالدى
اتالعان فاكتىلەر بويىنشا اكىمشىلىك قۇجات تولتىرىلىپ، شەشىم قابىلداۋ ءۇشىن ۋاكىلەتتى ورگانعا جولداندى، دەپ حابارلايدى استانا قالاسى ءى ءى د باسپا ءسوز قىزمەتى.
ۇشقىشسىز ۇشاتىن اپپاراتتى اۋە كەڭىستىگىندە قولدانۋ «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» زاڭى جانە قازاقستان رەسپۋبليكاسى ۇكىمەتىنىڭ 2011-جىلعى 12- مامىرداعى 506№ «قازاقستان رەسپۋبليكاسىنىڭ اۋە كەڭىستىگىن پايدالانۋ قاعيداسىن بەكىتۋ 2017-جىلعى وزگەرتۋلەر مەن تولىقتىرۋلارمەن» قاۋلىسىمەن رەتتەلەدى.
ۇشقىشى جوق اپپاراتتىڭ كومەگىمەن ءتۇسىرىلىم وتكىزۋ قۇزىرەتتى ورگاندارمەن (مەملەكەتتىك كۇزەت قىزمەتى، ۇ ق ك، ي د م ازاماتتىق اۆياتسيا كوميتەتى) كەلىسىلىپ، ۇشۋ جوسپارىن ەسكەرۋمەن جۇزەگە اسىرىلادى.
ۇشۋ اپپاراتتارىنىڭ رۇقساتسىز قولدانعالى انىقتالعان جاعدايدا قازاقستان رەسپۋبليكاسىنىڭ اكىمشىلىك زاڭ بۇزۋشىلىقتار تۋرالى كودەكسىنىڭ 563- بابىنا («ق ر اۋە كەڭىستىگىن قولدانۋدىڭ ءتارتىبىن بۇزۋ») سايكەس ءتيىستى شارالار قولدانىلادى. اتالمىش باپتىڭ تالاپتارىن بۇزعان جاعدايدا جەكە تۇلعالار ءۇشىن 10-ايلىق ەسەپتىك كورسەتكىش (22690 تەڭگە)، لاۋازىمدىق تۇلعالارعا - 20 ا ە ك (45380 تەڭگە) كولەمىندە اكىمشىلىك جازا قاراستىرىلادى.
