16:34, 08 - ماۋسىم 2017 | GMT +5
استاناعا وزبەكستان مەن پاكىستان پرەزيدەنتەرى كەلدى
استانا. قازاقپارات - ەلوردادا وتەتىن شانحاي ىنتىماقتاستىق ۇيىمى سامميتىنە قاتىسۋ ءۇشىن وزبەكستان پرەزيدەنتى شاۆكات ميرزيەيەۆ پەن پاكىستان پرەزيدەنتى مامنۋن حۋسەين كەلدى، دەپ حابارلايدى قازاقپارات.
بۇعان دەيىن اتالعان حالىقارالىق جيىنعا قاتىسۋ ءۇشىن استاناعا اۋعانستان پرەزيدەنتى اشراف گاني احمادزاي، موڭعوليا پرەزيدەنتى تساحياگين ەلبەگدورج جانە ق ح ر ءتوراعاسى شي جينپيڭنىڭ كەلگەنىن حابارلاعان بولاتىنبىز.
ايتا كەتەرلىگى، ش ى ۇ سامميتى بارىسىندا پاكىستان مەن ءۇندىستان اتالعان ۇيىمعا مۇشەلىككە قابىلدانادى دەپ كۇتىلۋدە.
وسىلايشا، ش ى ۇ جەر تۇرعىندارىنىڭ 40 پايىزىن، الەم ەكونوميكاسىنىڭ شامامەن ۇشتەن ءبىرىن قامتيتىن بولادى. بۇگىندە ۇيىمعا رەسەي، قىتاي، قازاقستان، قىرعىزستان، تاجىكستان جانە وزبەكستان ەلدەرى مۇشە.
قازىرگى ۋاقىتتا ش ى ۇ ءتوراعاسى - قازاقستان. ەرتەڭگى سامميت بارىسىندا ءتوراعالىق قىتاي تاراپىنا وتەدى.
اۆتور: مارلان جيەمباي
