اۋعانستان پرەزيدەنتى ش ى ۇ- نىڭ سامميتىنە قاتىسۋ ءۇشىن استاناعا كەلدى

استانا. قازاقپارات - كەشە شاڭحاي ىنتىماقتاستىق ۇيىمىنىڭ سامميتىنە قاتىسۋ ءۇشىن استاناعا اۋعانستان ەلىنىڭ پرەزيدەنتى اشراف عاني احمادزاي كەلدى، دەپ حابارلايدى 24.kz.

ەرتەڭ ول شاڭحاي ىنتىماقتاستىق ۇيىمىنىڭ سامميتىنە قاتىسادى دەپ كۇتىلىپ وتىر. ايتا كەتەيىك، اۋعانستان ۇيىمنىڭ مۇشەسى ەمەس. ءبىراق 2012 -جىلى بارلىق مۇشە ەلدەر وعان بايقاۋشى مارتەبەسىن بەرۋ تۋرالى شەشىم قابىلداعان. سونىمەن قاتار بەلارۋس، ءۇندىستان، يران، موڭعوليا جانە پاكىستان ەلدەرى دە بايقاۋشى مارتەبەسىنە يە.

 بيىل قازاقستان مەن اۋعانستاننىڭ ديپلوماتيالىق قارىم- قاتىناس ورناتقانىنا 25 جىل تولدى. وسى ۋاقىت ارالىعىندا قوس مەملەكەت ساياسات، ەكونوميكا، ساۋدا جانە مادەنيەت سالالارىندا بىرلەسىپ جۇمىس ىستەپ جاتىر. ەكى ەل وكىلدەرى بىرىككەن ۇلتتار ۇيىمى، يسلام ىنتىماقتاستىعى ۇيىمى الاڭدارىندا دا كەزدەسىپ، ورتاق جوسپارلاردى جۇزەگە اسىرۋدا.