قاراعاندى وبلىسى ەكسپوعا سىي رەتىندە ءىرى كۇن ەلەكتر ستانساسى قۇرىلىسىن باستادى
ونىڭ ينۆەستورلارى - ەۋروپالىق وداق وكىلدەرى. جوبا قۇنى 140 ميلليون ەۋروعا جۋىق. «بۇگىن ەرەكشە وقيعا بولىپ جاتىر، ءبىز ءىرى كۇن ەلەكتر ستانساسى قۇرىلىسىن اشىپ وتىرمىز. بۇل ءبىزدىڭ ءوڭىردىڭ ەكسپوعا سىيى، - دەدى وبلىس اكىمى ەرلان قوشانوۆ سالتاناتتى شارادا.
- وسى جوبانى ىسكە اسىرۋدا قاراعاندى جەرىن تاڭداعانى ءۇشىن ينۆەستورلارعا، ارىپتەستەرىمىزگە العىس بىلدىرگىم كەلەدى. ەنەرگيانىڭ جاڭارتىلعان كوزدەرىن دامىتۋ - مەملەكەت باسشىسىنىڭ تاپسىرماسى. بۇگىن وبلىستا وسى مىندەتتى ىسكە اسىرۋ ءۇشىن ءبىز العاشقى قادام جاساماقپىز». «اۋقىمدى دايىندىق جۇمىستارى جاسالدى» دەپ اتاپ ءوتتى ءوڭىر باسشىسى.
بۇگىن زاڭنامالىق جانە قارجى ماسەلەلەرى شەشىلىپ، بارلىق رۇقسات بەرۋ راسىمدەرىنەن ءوتتى. كۇن ستانساسىن سالۋعا 160 گەكتار جەر ۋچاسكەسى ءبولىندى. تەحنيكالىق نەگىزدەمەسى ازىرلەندى، ساراپتاما قورىتىندىسى بار. «KEGOC» ا ق- مەن قۋات بەرۋ سحەماسى ازىرلەنىپ، كەلىسىلدى، تەحنيكالىق قوسۋ شارتى الىندى.
«ينۆەستورلارىمىزدىڭ جولى ۇزاق ءارى كۇردەلى. بۇعان بەس جىلدان ارتىق ۋاقىت جۇمسالدى. جۇمىس ورتالىق ازياداعى ءىرى كۇن ەلەكتر ستانساسى ىسكە قوسىلعاندا اياقتالادى»، - دەپ اتاپ ءوتتى ول.
«جوبانى ىسكە اسىرۋ ءۇشىن بارلىق نەگىزگى ماسەلەلەر ءساتتى شەشىلدى. بۇگىن ءبىز قۇرىلىسى 2018-جىلى اياقتالاتىن كۇن ەلەكتر ستانساسىن سالۋدى باستايمىز. بۇل ەلەكتر ستانساسى قازاقستاندىقتاردىڭ ءومىر ساپاسىن ارتتىرۋعا ىقپال ەتەتىنىنە سەنىمدىمىز. بىرىنشىدەن، بۇل «جاسىل» تەحنولوگيا جانە قورشاعان ورتانىڭ لاستانۋىن ازايتۋ. ەكىنشىدەن، جاڭا جۇمىس ورىندارىن قۇرۋ»، - دەدى باس ينۆەستور يان زوننەنشاين.
بولىنگەن الاڭدا 3700 دەن استام كۇن پانەلى ورنالاستىرىلادى. ەلەكتر ەنەرگياسىن جىلدىق وڭدەۋى ساعاتىنا 145 ميلليون ك ۆ ت- تى قۇرايدى. ستانسا قۋاتى - 100 م ۆ ت. سالىستىرمالى تۇردە، ساران قالاسى بۇدان 10 ەسەگە تومەن تۇتىنادى.
