استانادا ش ى ۇ مەملەكەتتەرى قورعانىس مينيسترلەرىنىڭ وتىرىسى ءوتتى
ءىس- شاراعا قازاقستان، قىتاي، قىرعىزستان، رەسەي، تاجىكستان مەن وزبەكستان قورعانىس ۆەدومستۆولارىنىڭ باسشىلارى، ش ى ۇ باس حاتشىسى جانە ش ى ۇ وڭىرلىك لاڭكەستىككە قارسى قۇرىلىمى اتقارۋشى كوميتەتىنىڭ ديرەكتورى قاتىستى. كەڭەس بارىسىندا حالىقارالىق جانە وڭىرلىك قاۋىپسىزدىكتىڭ وزەكتى ماسەلەلەرى جونىندە كونسترۋكتيۆتى پىكىر الماسۋ ءوتتى.
ش ى ۇ مۇشە مەملەكەتتەرى ءۇشىن زاماناۋي قاۋىپ- قاتەر كەزىندەگى باسىمدىق مىندەت وڭىردەگى بەيبىتشىلىكتى، قاۋىپسىزدىك پەن تۇراقتىلىقتى ۇستاپ تۇرۋ جانە نىعايتۋ بولىپ تابىلاتىنىن ايتا كەتكەن ءجون.
وتىرىسقا قاتىسۋشىلار وتكەن جىلعى ىنتىماقتاستىققا تالداۋ جاساپ، قورىتىندىسىن شىعاردى. ودان باسقا، ش ى ۇ ەلدەرىنىڭ قورعانىس ۆەدومستۆولارى اراسىندا ءوزارا ءىس- قيمىلدى ءارى قارايعى دامىتۋ پەرسپەكتيۆالارىن قاراستىردى. ونىڭ قورىتىندىسى بويىنشا 2018 - 2019 -جىلدارعا ارنالعان ش ى ۇ مۇشە مەملەكەتتەرى قورعانىس مينيسترلىكتەرىنىڭ ىنتىماقتاستىق جوسپارى بەكىتىلىپ، تاريحي جانە مادەني مۇرانى زەردەلەۋ جانە ساقتاۋ اياسىندا اسكەري ۆەدومستۆولار اراسىنداعى نيەت تۋرالى حاتتاماعا قول قويىلدى. شاڭحاي ىنتىماقتاستىق ۇيىمىنا مۇشە مەملەكەتتەرى قورعانىس مينيسترلەرىنىڭ كەلەسى وتىرىسى 2018 -جىلى قىتاي حالىق رەسپۋبليكاسىندا وتكىزىلەدى دەپ جوسپارلانۋدا.
