ەكسپو اۋماعىندا ۇشاتىن اپپاراتتاردى پايدالانۋعا شەكتەۋ قويىلادى
ۇشقىشسىز ۇشاتىن اپپاراتتاردى رۇقساتسىز پايدالانۋعا شەكتەۋ قويىلادى. بۇل جايىندا ق ر ءى ءى م مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆ ءوزىنىڭ فەيسبۋكتەگى پاراقشاسىندا جازدى، دەپ حابارلايدى قازاقپارات.
«ۇشقىشسىز ۇشاتىن اپپاراتتاردى كورمە اۋماعىندا پايدالانۋ قۇزىرەتتى ورگاندارمەن (مەملەكەتتىك قۇزرەت قىزمەتى، ۇ ق ك، ينۆەستيتسيالار جانە دامۋ كوميتەتىنىڭ ازاماتتىق اۆياتسيا كوميتەتى) كەلىسىلگەن بولۋى ءتيىس جانە اتالمىش پروتسەس ۇشۋ جوسپارىن قاتاڭ ساقتاي وتىرىپ جۇزەگە اسىرىلادى.
كورمە اۋماعىندا ۇشقىشسىز ۇشاتىن اپپاراتتاردى رۇقساتسىز پايدالانۋ دەرەكتەرى انىقتالعان جاعدايدا سايكەسىنشە شارالار (ق ر اۋە كەڭىستىگىن پايدالانۋ ءتارتىبىن بۇزۋ. ق ر اكىمشىلىك قۇقىق بۇزۋشىلىق كودەكسى 563- بابى) قابىلدانادى.
ءى ءى م ەلوردا تۇرعىندارى مەن قوناقتارىنا، ب ا ق وكىلدەرى مەن بلوگگەرلەرگە ۇشقىشسىز ۇشاتىن اپپاراتتاردى پايدالانۋ بارىسىندا زاڭدى قاتاڭ ساقتاۋعا كەڭەس بەرەدى»، - دەدى الماس سادۋبايەۆ.
