وڭتۇستىك كورەيا «جاسىل» ەنەرگەتيكاعا كوشۋ جوسپارىن جاريا ەتتى

استانا. قازاقپارات - وڭتۇستىك كورەيا ۇكىمەتى «جاسىل» ەنەرگەتيكاعا كوشۋ باعدارلاماسى تۋرالى حابارلادى.

جوسپار سۋ ەلەكتر ستانسياسى وندىرەتىن ەنەرگيا ۇلەسىنىڭ 2030-جىلعا قاراي %5 تەن %20 دەيىن ارتۋىن قاراستىرادى، دەپ جازادى Reuters.

وڭتۇستىك كورەيا ۇكىمەتى بۇدان باسقا تابيعي گاز پايدالانۋدى ارتتىرۋدى قولعا العالى وتىر:

2030-جىلعا قاراي %18- تەن %27- كە دەيىن. بۇل ءۇشىن باسقا ەلدەردەن يمورتتالاتىن سۇيىتىلعان گاز كولەمىن ارتتىرۋ جوسپارلانعان.

«Korea Electric Power Corp» كومپانياسىنىڭ مالىمەتىنشە، ناۋرىز ايىنداعى گاز ەلەكتر ەنەرگياسىنىڭ باعاسى 0,1160 دوللار كيلوۆات ساعاتقا تەڭ. بۇل كومىر ەنەرگياسى قۇنىنان %40 كە ارتىق جانە يادرولىق گازدان ەكى ەسەگە قىمبات. حانيانگ ۋنيۆەرسيتەتىنىڭ ەنەرگەتيكا سالاسى بويىنشا پروفەسسورى پايك ۋنگيۋدىڭ مالىمدەۋىنشە، ۇكىمەت ءالى كۇنگە دەيىن يمپورت گازى سالىعىن تولەيدى، ءبىراق، كومىر جانە اتوم ستانتسيالارىنا سالىقتىق جەڭىلدىكتەر جاسايدى.

جاڭا جوبا كومىر جانە اتوم ەنەرگەتيكاسىنىڭ ارتىقشىلىقتارىن الىپ، گاز ەنەرگياسىنا قوسا وتىرىپ، «سالىق تولەۋدەگى بۇرمالانعان جۇيەنى» تۇزەتۋگە مۇمكىندىك بەرەدى.

قازىرگى ۋاقىتتا وڭتۇستىك كورەيا بارلىق ەلەكتر ەنەرگياسىنىڭ %70 ءىن كومىر جانە يادرولىق ستانسيالاردان الادى. جاڭا جوسپارعا سايكەس، 2030-جىلعا قاراي كومىر ستانتسياسىنىڭ ۇلەسى %40 تەن %21,8 كە، ال اتوم ستانتسياسىنىڭ ۇلەسى %30 تەن %21,6 كە تومەندەيدى.