قازاقستان اراب ەلدەرىنىڭ ماسەلەسى ديپلوماتيالىق جولمەن شەشىلەدى دەپ سەنەدى - ءابدىراحمانوۆ
«ءبىرقاتار اراب ەلدەرىنىڭ قاتار مەملەكەتىمەن ديپلوماتيالىق بايلانىستاردى توقتاتۋىنا بايلانىستى ايتارىمىز، قازاقستان بارلىق تاراپتاردىڭ ىمىراعا كەلىپ، ۋشىعىپ تۇرعان جاعدايدى شەشە الاتىنىنا سەنەدى. ءبىز بارلىق تاراپتاردى ۇستامدىلىق تانىتادى دەپ ۇمىتتەنەمىز. الدىمەن سول مەملەكەتتەردە تۇراتىن حالىقتى ويلاۋ قاجەت. سەبەبى ديپلوماتيالىق بايلانىستار ۇزىلسە، ەڭ ءبىرىنشى جەرگىلىكتى حالىق زارداپ شەگەدى. سوندىقتان ءبىز بارلىق مەملەكەتتەردى وسى پروبلەمانى ديپلوماتيا جولىمەن شەشۋگە ۇندەيمىز»، - دەدى ءابدىراحمانوۆ جۋرناليستەرگە بەرگەن سۇحباتىندا.
ايتا كەتەيىك، كەشە ساۋد ارابياسى، باحرەين، بىرىككەن اراب امىرلىكتەرى، مىسىر، يەمەن، ليۆيا مەن مالديۆ ارالدارى قاتارمەن ديپلوماتيالىق بايلانىستاردى توقتاتاتىنىن مالىمدەدى. اراب ەلدەرى اتالعان مەملەكەتتى ەكسترەميستىك توپتارعا قولداۋ جاسايدى دەپ كىنالاپ وتىر.
اۆتور: ارمان اسقاروۆ
