حالىقتىڭ باسىن كوپ قاتىرماۋ قاجەت - ساعىنتايەۆ
«حالىق الەۋمەتتىك كومەك سالاسىنداعى وزگەرىستەردى ءتۇسىنۋى كەرەك. سوندىقتان ونى ەل ازاماتتارىنا دۇرىس جەتكىزۋىمىز شارت. بيىل ءبىز مىندەتتى الەۋمەتتىك مەديتسينالىق ساقتاندىرۋ جۇيەسىن دە ەنگىزەيىك دەپ جاتىرمىز. كەلەسى جىلدان باستاپ الەۋمەتتىك كومەك بويىنشا وزگەرىستەر بولادى. حالىق سونىڭ بارلىعىن شاتاستىرماۋى قاجەت. ادامدارعا بارلىعى تۇسىنىكتى بولعان ءجون. مىندەتتى الەۋمەتتىك مەديتسينالىق ساقتاندىرۋ بىلاي بولادى، اتاۋلى الەۋمەتتىك كومەك بىلاي بولادى دەپ، انىق- قانىعىن ايتۋ قاجەت. حالىق تاراپىنان سۇراقتار تۋىنداماۋى ءتيىس»، - دەدى ساعىنتايەۆ ۇكىمەتتىڭ بۇگىنگى وتىرىسىندا.
وسى ورايدا ۇكىمەت باسشىسى جۇمىسپەن قامتۋ ورتالىقتارىنا باسا نازار اۋدارۋ قاجەتتىگىن جەتكىزدى. سەبەبى ول جەردە كاسىبي ماماندار ەڭبەك ىستەسە، حالىققا ءتۇسىندىرۋ جۇمىستارىن ساپالى تۇردە جۇرگىزۋگە بولادى. ايتا كەتەيىك، كەلەسى جىلدان باستاپ قازاقستاندا اتاۋلى الەۋمەتتىك كومەكتىڭ جاڭا فورماتى ەنگىزىلەدى. سونىڭ اياسىندا جاردەماقىلار 25 پايىزعا ارتادى. الايدا اتالعان كومەكتىڭ وزىندىك شارتتارى بار.
اۆتور: ارمان اسقاروۆ
