استاناداعى اربات قانداي بولادى - فوتو

 استانا. قازاقپارات - استاناداعى ارباتتى جابدىقتاۋ جۇمىستارى جالعاسۋدا. دەگەنمەن، قازىردىڭ وزىندە قولونەر شەبەرلەرى ءوز ونىمدەرىن ساتۋعا كىرىسىپ كەتكەن، دەپ حابارلايدى قازاقپارات ءتىلشىسى.

كولونەرشىلەردىڭ قاتارى ءازىربايجان مامبەتوۆ كوشەسى (بۇرىنعى بوكەيحان كوشەسى - اۆت. ) بويىمەن وقۋشىلار سارايىنان ەسىل وزەنىنە دەيىنگى ارالىقتا ورنالاسقان. سول جەردە كيىز ۇيلەردىڭ دەكوراتسيالارىن ورناتىپ قويعان. ءاربىر سورەدە ءبىر- ەكى ادام وتىرىپ، ءوز ونىمدەرىن ساتا الادى. ال وقۋشىلار سارايىنىڭ قاپتالىندا تولىق ەكى كيىز ءۇيدى تىگىلگەن. بىرەۋىندە مۇراجاي بولسا، ەكىنشىسىندە شەبەرلىك سىنىپتارىن وتكىزۋ جوسپارلانىپ وتىر. قازىرگى كەزدە ارباتتى اباتتاندىرۋ بويىنشا ۇساق- تيەك جۇمىستار اتقارىلىپ جاتىر. ايتا كەتەيىك، استاناداعى ارباتتىڭ رەسمي اشىلۋى 11 - ماۋسىمدا وتەدى.

اتالعان جوبانىڭ اۆتورى - #حوچۋاربات قوزعالىسىنىڭ جەتەكشىسى اراي وردابايەۆا. «استاناداعى ارباتتىڭ رەسمي اشىلۋى كەشكى ساعات 20:00 دە بولادى. ەكسپو- نىڭ اشىلۋىنان كەيىن حالىق ءسال بوساپ، ەسىل وزەنىنە قاراي ىعىسادى دەپ ويلايمىز. سوسىن ارباتتىڭ بويىمەن ءبىز ءتۇرلى- ءتۇستى شامداردان جۇلدىزدى اسپان ۇيىمداستىردىق. سول سەبەپتى اشىلۋ ءراسىمىن كەشكى ۋاقىتقا جوسپارلاپ وتىرمىز» ، - دەپ اتاپ كورسەتتى وردابايەۆا قازاقپارات تىلشىسىنە بەرگەن سۇحباتىندا.

 اۆتور: ارمان اسقاروۆ