استاناداعى پاكىستان ءۇشىن ماڭىزدى ش ى ۇ سامميتىنە ناۆاز شاريف كەلەدى

استانا. قازاقپارات - پاكىستاننىڭ پرەمەر- ءمينيسترى ناۆاز شاريف 8-9 -  كۇندەرى ەكى كۇندىك ساپارىمەن قازاقستانعا كەلىپ، شاڭحاي ىنتىماقتاستىق ۇيىمى سامميتىنە قاتىسادى، دەپ حابارلايدى The Nation.

 ءۇندىستان جانە پاكىستاندى شاڭحاي ىنتىماقتاستىق ۇيىمىنا قابىلداۋ ءراسىمى 8-9 - ماۋسىم كۇندەرى اتالعان ۇيىمعا مۇشە- ەلدەردىڭ باسشىلارىنىڭ قاتىسۋىمەن استانا قالاسىندا وتەتىن سامميتتە وتەدى دەپ كۇتىلۋدە.

«ش ى ۇ كەڭەيتۋ ماسەلەسى بۇگىنگى تاڭدا ءسوزسىز وزەكتى ماسەلە. ش ى ۇ- ىنا مۇشە- ەلدەر باسشىلارىنىڭ 2005 -جىلدىڭ شىلدە ايىنداعى استانا قالاسىندا وتكەن كەڭەسىنىڭ وتىرىسىندا ءۇندىستان مەن پاكىستان باقىلاۋشى- ەلدەر مارتەبەسىنە يە بولدى. الدا وتەتىن شىۇ ءسامميتى بارىسىندا ءبىز ۇيىمىمىزدىڭ وسى كەزەڭدەگى كەڭەيۋىنىڭ كۋاسى بولامىز»، - دەدى قايرات ابدراحمانوۆ ءساۋىر ايىندا وتكەن شاڭحاي ىنتىماقتاستىق ۇيىمىنا مۇشە- ەلدەردىڭ سىرتقى ىستەر مينيسترلەرىنىڭ كەڭەسىندە.