ۋاقىت ساتىپ اقشا تاپقان وتباسى
ولاردىڭ باستى بيزنەس كوزى - ۋاقىت. بۇل قالاي بولعانى دەسەڭىز، جاۋابىن بەرەيىك.
ولار كۇن سايىن گرينۆيچ پاتشالىعىنىڭ وبسەرۆاتورياسىنا كەلىپ وزدەرىنىڭ حرونومەتر دالدىگىمەن ۋاقىتتى كورسەتىپ وتىرعان.
ال ءدال قازىرگى تاڭدا اتالعان حرونومەتردىڭ نومەرى مەن ماركاسى دا ساقتالعان: «Arnold» № 48/786. ءدال وسى ماركاداعى نومەر ارقىلى ولار دالمە-ءدال ۋاقىتتى كەرەك ادامدارعا ساتىپ وتىرعان.
بەلۆيل جانۇياسىنىڭ تۇراقتى ەكى جۇزگە تارتا تۇتىنۋشىلارى بولعان. دجون 1856-جىلى ومىردەن وزعان سوڭ، ونىڭ جۇبايى جۇمىستى ۇزاق جىلدارى بويى باقىلاۋدا ۇستاپ، وتباسىلىق بيزنەستى جالعاستىرىپ وتىرعان. تەك 1892-جىلى عانا بۇل بيزنەس قىزدارى رۋت بەلۆيلدىڭ قولىنا وتەدى.
ال ونىڭ قىزى بۇل بيزنەستى ⅩⅩ عاسىردىڭ ورتاسىنا دەيىن الىپ كەلەدى. ءبىر وتباسىنىڭ بيزنەسىن توقتاتقان 1924-جىلعى BBC راديوستانتسياسىنىڭ ويلاپ تاپقان دالمە-ءدال ۋاقىت كورسەتۋ جانە ونى حالىققا جەتكىزۋ مۇمكىندىگى بولدى.
2008-جىلى گرينۆيچ ۇلتتىق مۋزەيى رۋت بەلۆيلدىڭ قۇرمەتىنە كىتاپ تا شىعاردى. ال ونىڭ الەمگە ايگىلى حرونومەترى ساعاتتار قاۋىمداستىعىنىڭ مۇراجايىنا بەرىلدى.
Massaget.kz
