اتى اڭىزعا اينالعان قىتايلىق اكتەر ەكسپوعا قاتىسۋ ءۇشىن استاناعا كەلەدى
بۇل تۋرالى فەيسبۋكتەگى ءوزىنىڭ پاراقشاسىندا «قازاقستان» تەلەراديوكورپوراتسياسىنىڭ ءتوراعاسى ەرلان قارين حابارلادى.
«قازاقستان» تەلەراديو كورپوراتسياسى» ق ر اقپارات جانە كوممۋنيكاتسيا مينيسترلىگىنىڭ قولداۋىمەن جانە قىتايلىق سەرىكتەستەرمەن بىرگە استاناداعى ەكسپو-2017 كورمەسىنىڭ اشىلۋىنا وراي قازاقستاندىقتارعا سىي ازىرلەۋدە. العاش رەت قازاقستانعا الەمدىك كينوجۇلدىز، شىعىس-جەكپە-جەگىنىڭ شەبەرى، اتى اڭىزعا اينالعان دجەكي چان كەلەدى»، - دەپ ءوز جاڭالىعىمەن ءبولىستى ەرلان قارين.
سونداي-اق ول، سوڭعى ەكى اپتا بويى بارلىق ۇيىمداستىرۋ شارالارى بويىنشا قىزۋ جۇمىستار اتقارىلعاندىعىن جانە بۇگىن عانا ونىڭ ءبىزدىڭ ەلورداعا ساپارىنا ارنالعان قورىتىندى باعدارلامانىڭ كەلىسىلگەنىن اتاپ ءوتتى.
«ەگجەي-تەگجەيىن ەرتەڭ حابارلايمىز»، - دەپ ۋادە بەردى «قازاقستان» تەلەراديو كورپوراتسياسىنىڭ ءتوراعاسى ەرلان قارين.
