تەرروريستىك قاۋىپ گەرمانياداعى روك-فەستيۆالدى تاراتۋعا سەبەپشى بولدى
ۇيىمداستىرۋشىلار جيىنعا كەلگەن ازاماتتاردى شارا ءوتىپ جاتقان ايماقتى ەشقانداي ايعاي-شۋسىز بوساتۋدى تالاپ ەتتى، دەپ حابارلايدى BBC.
«تەرروريستىك قاۋىپكە بايلانىستى پوليتسيا بىزدەن فەستيۆالدى توقتاتۋدى تالاپ ەتتى»، - دەلىنگەن Rock and Ring فەستيۆالىنىڭ Facebook جەلىسىندەگى رەسمي پاراقشاسىندا.
وڭىرلىك پوليتسيا باسقارماسىنىڭ مالىمدەمەسىندە كونسەرتتى توقتاتۋعا ناقتى ماسەلەنىڭ سەبەپ بولعاندىعى ايتىلادى. وزگە ناقتى مالىمەتتەر كەلتىرىلمەگەن. جۇمادان جەكسەنبى ارالىعىندا ءوتۋى ءتيىس فەستيۆالدىڭ ءوتۋ-وتپەۋىن پوليتسيا سەنبى كۇنى حابارلايدى.
فەستيۆالعا 85 مىڭ ادام قاتىسادى دەپ كۇتىلگەن بولاتىن. بيىلعى جىلى Rock and Ring ءوزىنىڭ 80 جىلدىعىن اتاپ وتۋدە.
سوڭعى ۋاقىتتا مۋزىكالىق شارا بىرنەشە رەت تەرروريستىك شابۋىلداردىڭ نىسانىنا اينالعان ەدى. 2007-جىلدىڭ 22- مامىرىندا بريتانيالىق مانچەستەردە بولعان اريانى گراندەنىڭ كونسەرتىندە 22 ادام قۇربان بولدى. 2015-جىلدىڭ 13- قاراشاسى كۇنى پاريجدە قىلمىسكەرلەردىڭ باستى نىسانى - Eagles of Death Metal توبىنىڭ كونسەرتى بولدى. ول كەزدە 89 كورەرمەن كوز جۇمعان ەدى.
