اتى اڭىزعا اينالعان ءتورت عالىم ەكسپو- داعى يتاليانىڭ پاۆيلونىن كورسەتەدى
ول يتاليا پاۆيلونىنا كەلۋشى ءاربىر تۋريستى اپەنين تۇبەگىنىڭ تابيعي جانە مادەني- تاريحي ورىندارىنا قىزعىلىقتى ساياحات كۇتىپ تۇرعانىن اتاپ ءوتتى.
كورمە كەزىندە قوناقتارعا يتاليالىق ونەرتاپقىشتاردىڭ قولىنان شىققان تەڭدەسسىز تۋىندىلار كورسەتىلەدى. بۇلاردىڭ بارلىعى 360 گرادۋس بىرەگەي پانورامالىق تۇسىرىلىمدەر ناتيجەسىندە مۇمكىن بولماق. ساۋلەتشى پاولو دەزيدەريدىڭ ايتۋىنشا، يتاليا پاۆيلونى ءتورت نەگىزگى زالدان تۇرادى. ولاردىڭ بىرەۋى يتاليالىق الاڭداردىڭ كەڭىستىگىن پاش ەتەدى جانە ادامزات تاريحىنىڭ دامۋىنا ولشەۋسىز ۇلەس قوسقان يتاليالىق كورنەكتى عالىمنىڭ قۇرمەتىنە اتالعان. كەلۋشىلەر ءبىر زالدان ەكىنشىسىنە وتە وتىرىپ، يتاليا تاريحىنىڭ تەرەڭ بويلاي الماق. سونداي- اق تازا ەنەرگياعا نەگىزدەلگەن بولاشاقتى كورۋگە مۇمكىندىك الادى.
يتاليانىڭ 15 پروۆينتسياسى دا حالىقارالىق كورمەدەن شەت قالماق ەمەس. «بولاشاق ەنەرگياسى» تاقىرىبىندا ءار ءوڭىر ءوزىنىڭ ەكونوميكالىق جەتىستىكتەرى مەن بالامالى ەنەرگەتيكا سالاسىندا قول جەتكىزگەن جەمىستەرىمەن تانىستىراتىن بولادى. «ءبىزدىڭ وڭىرلەر كەلەشەككە باعىتتالعان جانە ەكولوگيالىلىعى مەن تيىمدىلىگى جوعارى ەنەرگيا الۋ مەن پايدالانۋدىڭ جاڭا ءادىس- تاسىلدەرىن ازىرلەۋگە نەگىزدەلگەن جۇزدەگەن الەۋەتتى جوبالاردى جاساپ شىعاردى»، - دەدى پاۆيلون كوميسسارى، يتاليانىڭ قازاقستانداعى ەلشىسى ستەفانو راۆانيان.
