12:40, 01 - ماۋسىم 2017 | GMT +5
استانا- بەيجىڭ جاڭا اۋە رەيسى اشىلدى
استانا. قازاقپارات - EXPO-2017 حالىقارالىق كورمەسى قارساڭىندا قازاقستان ەلورداسىنان قاتىنايتىن حالىقارالىق رەيستەردى اشۋ جالعاسۋدا، دەپ حابارلايدى قازاقپارات.
«بۇگىن قىتايدىڭ Air China اۋە كومپانياسى استانا- بەيجىڭ (قىتاي) حالىقارالىق جاڭا اۋە رەيسى بويىنشا ۇشۋدى باستادى. اۋە رەيستەرى ەيرباس-320 تيپىندەگى اۋە كەمەسىمەن اپتاسىنا 3 رەت، ياعني سەيسەنبى، بەيسەنبى جانە جەكسەنبى كۇندەرى ورىندالادى» ، - دەپ اتاپ وتىلگەن ق ر ي د م مالىمەتىندە.
اتالمىش رەيستى اشۋدا ق ر ي د م ازاماتتىق اۆياتسيا كوميتەتى مەن قىتاي حالىق رەسپۋبليكاسىنىڭ اۆياتسيا بيلىگى بىرلەسكەن جۇمىستار اتقاردى. ەستەرىڭىزگە سالا كەتەيىك، اتالعان مينيسترلىك وسى اپتادا استانادا بىرنەشە حالىقارالىق اۋە رەيسى اشىلاتىنىن حابارلاعان ەدى. اپتانىڭ باسىندا ۆارشاۆادان استاناعا اۋە قاتىناسى اشىلدى. 31 - مامىر كۇنى استانادان ارمەنياعا اتتانعان العاشقى رەيس ۇشاعى ەريەۆانعا كەلىپ جەتتى.
اۆتور: رۋسلان عابباسوۆ
