ءدىن ىستەرى مينيسترلىگى ساقال، قىسقا بالاق جانە قارا جامىلعى تۋرالى پىكىر ءبىلدىردى
مەكەمە وكىلدەرىنىڭ ايتۋىنشا، قازاقستان قوعامىن ءوز حالقىنىڭ رۋحاني ءداستۇرى مەن يسلام ءدىنىنىڭ بايىبىنا جەتپەي جاتىپ، ءوز اتا- انالارىن ءدىنسىز دەپ ايىپتايتىن جاستار الاڭداتىپ وتىر. ولاردىڭ كەيبىرى شەتەلدىك ۋاعىزشىلاردى تىڭداپ، حالقىمىزعا ءتان ەمەس ءدىني داستۇرلەرگە بوي ۇرا باستادى. ءدال وسىنداي ازاماتتار سىرتقى اتريبۋتيكالارعا ەرەكشە ءمان بەرەدى: جىگىتتەر ساقال جىبەرىپ، بالاقتارىن قىسقارتادى، قىزدار قارا جامىلعىعا ورانادى.
«قارا جامىلعىعا تىيىم سالۋ ورامال مەن حيدجابقا تىيىم سالۋدى كوزدەمەيدى. بۇل تىيىم سالۋ مەن شەكتەۋ ادامنىڭ بەت- ءجۇزىن انىقتاۋعا مۇمكىندىك بەرمەيتىن كيىم تۇرلەرىنە (نيكاب، چادرا، پارانجا) قاتىستى. مۇندا ءبىر عانا اتريبۋتتى ەمەس، تەرىس اعىمنىڭ بىرنەشە بەلگىلەرىن ايتۋعا بولادى. ءبىز بۇل ماسەلەنى زەرتتەپ جاتىرمىز، زەرتتەۋدەن كەيىن عانا شەشىم قابىلدانادى»، - دەدى ۆيتسە- مينيستر بەرىك ارىن ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
ونىڭ ايتۋىنشا، بۇل شەكتەۋلەر مەن تىيىمدار كەز كەلگەن كونفەسسيانىڭ ءدىني قىزمەتكەرلەرىنە، شەتەل ازاماتتارىنا جانە مەديتسينالىق سەبەپپەن نەمەسە قىزمەتتىك قاجەتتىلىكپەن بەتپەردە كيۋگە ءماجبۇر ادامدارعا قاتىستى ەمەس.
اۆتور: ايجان سەرىكجان قىزى
