17:09, 30 - مامىر 2017 | GMT +5
بولات نازاربايەۆتىڭ قىزى ءوزى ونەر كورسەتەتىن توپتان كەتپەكشى
استانا. قازاقپارات - گۇلنۇر نازاربايەۆانىڭ جەتەكشىلىگىمەن قۇرىلعان BN توبى جۇمىسىن توقتاقپاق.
توپ قۇرامىنداعى بولات نازاربايەۆتىڭ قىزى البينا مالايزياعا وقۋعا اتتاناتىنىن مالىمدەدى.
بۇل تۋرالى ول «ك ت ك» ارناسىنىڭ «ينستالايىق» باعدارلاماسىندا ايتتى.
ونىڭ ايتۋىنشا، ول بيىل جازدا نەمەسە كۇزگە تامان مالايزياعا وقۋعا اتتانباق.
«BN توبى جۇمىسىن توقتاتقالى جاتىر. سەبەبى مەن مالايزياعا وقۋعا اتتانامىن. ماماندىعىمدى اۋىستىرىپ، ەندى ديزاينەر بولامىن»، - دەدى ول.
ايتا كەتۋ كەرەك، البينا ءالى مەكتەپ وقۋشىسى. سولاي بولا تۇرسا دا، ول وقۋىمەن بىرگە ونەرىن دە قاتار الىپ ءجۇرىپ، توپپەن برگە گاسترولدىك ساپارلارعا دا ءجيى بارىپ تۇرادى.
ونىڭ ايتۋىنشا، شەتەل اسىپ، ءبىلىم قۋۋعا ونىڭ اناسى گۇلنۇر كەڭەس بەرگەن.
