رەسەي ءوزىنىڭ العاشقى جولاۋشىلار ۇشاعىن سىناقتان وتكىزدى

استانا. قازاقپارات- رەسەي ورتا قاشىقتىققا ۇشۋعا ارنالعان، MC-21-300 دەپ اتالاتىن العاشقى جولاۋشىلار ۇشاعىن سىناقتان وتكىزدى. رەسەيدىڭ سوۆەت وداعىنان بەرى جاساپ شىعارعان العاشقى ۇشاعى 28 - مامىردا سىناق رەتىندە ۇشىرىلدى. MC-21-300 باتىس ەلدەرىنىڭ ۇشاقتارىنا باسەكەلەس بولۋى ابدەن مۇمكىن.

ۇشاقتى قۇراستىرعان Irkut Corporation كومپانياسى مەن ونىڭ باس كومپانياسى United Corporation 30 مينۋتقا سوزىلعان سىناق تۋرالى الدىن الا حابارلامادى. اتالعان كومپانيالار مامىردىڭ باسىندا ۇشاقتى قۇراستىرىپ بولعاندارىن حابارلاعان ەدى. ۇشاقتىڭ العاش رەت ۇشىرىلعانىنا كۋا بولعاندار ول تۋرالى الەۋمەتتىك جەلىلەردە جازدى. كەيىن ونى ۆيتسە- پرەمەر دميتري روگوزين Facebook-تە راستاپ، ۇشاقتىڭ بىرنەشە سۋرەتىن جاريالادى.

بۇدان ءبىر اي بۇرىن قىتاي Boeing جانە Airbus كومپانيالارىنا باسەكەلەس ءوزىنىڭ C919 دەپ اتالاتىن العاشقى جولاۋشىلار ۇشاعىن ۇشىرعان.

www.azattyq.org