تۇرىكمەنستان جەرىندە ەجەلگى زاماندا ءپىلدىڭ ءۇش ءتۇرى مەكەن ەتكەن
27 - مامىر كۇنى تۇرىكمەنستان مەملەكەتتىك مۋزەيىندە عالىم- پالەونتولوگ، مۋزەيدىڭ اعا عىلىمي قىزمەتكەرى امان نيگاروۆتىڭ «تۇرىكمەنستاننىڭ ەجەلگى پىلدەرى» اتتى كىتابى تانىستىرىلدى. اۆتور عىلىمي زەرتتەۋدى رەسەيلىك ي. ا. دۋبروۆومەن بىرگە جازعان. كىتاپ تۇرىكمەن، اعىلشىن جانە ورىس تىلدەرىندە جارىق كوردى.
سيپاتتامالىق بولىمنەن بولەك، جۇمىستا تۇرىكمەنستان اۋماعىندا تىرشىلىك ەتكەن قازىپ الىنعان پىلدەردىڭ ءۇش ءتۇرلى بولعاندىعىن دالەلدەيتىن زاتتاردىڭ سۋرەتتەرى بەينەلەنگەن قوسىمشا بار. ەڭبەكتە تابىلعان پالەونتولوگيالىق ماتەريالدىڭ جاسى، ولاردىڭ وسى ەلدە - ميلليوننان 200-250 مىڭ جىل بۇرىن ۋاقىت ارالىعىندا تىرشىلىك ەتكەن اۋماعىنىڭ كليماتى مەن تابيعاتى تۋرالى باياندالادى. نيگاروۆتىڭ ايتۋىنشا، العاش رەت مۇنداي زاتتار 1943 جانە 1952 -جىلدارى ەلدىڭ وڭتۇستىك- باتىسىنداعى گەولوگيالىق ىزدەۋ جۇمىستارى بارىسىندا تابىلعان. مەملەكەتتىك مۋزەيدىڭ زالدارىندا كىتاپتا باياندالعان بىرنەشە پالەونتولوگيالىق جادىگەرلەر ساقتالعان: تۇرىكمەن ورمانى دەپ اتالاتىن ەجەلگى ءپىلدىڭ باس سۇيەگىنىڭ قالپىنا كەلتىرىلگەن نۇسقاسى، فراگمەنتتەرى جانە حازار دەپ اتالاتىن ءپىلدىڭ تومەنگى ازۋ ءتىسى، سونداي- اق وڭتۇستىك- ءپىل ءتىسىنىڭ ەمالى بار.
