20:13, 29 - مامىر 2017 | GMT +6
نۇرسۇلتان نازاربايەۆ شري-لانكا پرەزيدەنتىنە كوڭىل ايتتى
استانا. قازاقپارات - نۇرسۇلتان نازاربايەۆ شري-لانكا دەموكراتيالىق سوتسياليستىك رەسپۋبليكاسىنىڭ پرەزيدەنتى مايتريپالا سيريسەناعا كوڭىل ايتۋ جەدەلحاتىن جولدادى، دەپ حابارلايدى اقوردانىڭ باسپا ءسوز قىزمەتى.
مەملەكەت باسشىسى بيىلعى 28- مامىردا شري-لانكاداعى سۋ تاسقىنى مەن لاي كوشكىنى سالدارىنان كوپتەگەن ادامنىڭ قازا بولعانى تۋرالى حاباردى زور كۇيزەلىسپەن قابىلدادى.
«قازا بولعانداردىڭ جاقىندارىنا جانە بارشا دوستاس شري-لانكا حالقىنا كوڭىل ايتىپ، ورنى تولماس قايعىعا ورتاقتاستىعىمدى بىلدىرەمىن. زارداپ شەككەندەردىڭ تەزىرەك ساۋىعىپ، وتباسىلارىنا ورالۋىنا تىلەكتەسپىن»، - دەلىنگەن جەدەلحاتتا.
