قايرات نۇرتاس ءوزىن ديماشپەن سالىستىراتىندارعا جاۋاپ بەردى
ءانشى ءسوزىن بۇرمالايتىن جۋرناليستەرگە وكپەلى كورىنەدى. بۇدان وزگە، قايرات ءوزىن ديماشپەن جانە باسقا دا تانىمال قازاق انشىلەرمەن سالىستىرعاندا قىنجىلاتىنىن جەتكىزدى. ول ءوزىن قارالاۋعا ءارى وزگەلەرمەن سالىستىرۋعا ءازىر تۇراتىندارعا جاۋاپ بەردى.
بۇل تۋرالى قايرات Zhuldyz.tv ارناسىنىڭ «سەنبىلىك سەرۋەن» باعدارلاماسىنا بەرگەن سۇحباتىندا ايتتى.
«سۇمدىق بولىپ كەتتى. ءوز-وزدەرىنە PR جاساپ، تەلەارنالارى مىقتى بولۋ ءۇشىن نەشە ءتۇرلى اۋىزعا كەلگەندى وتتايتىن بولدى. ءبىز ايتپاعان نارسەنى ايتتى دەپ جالعاپ-جالعاپ، مونتاجبەن ادەمىلەپ كەلتىرىپ الاتىن بولدى. سوندىقتان قازىر سويلەۋگە قورقامىز. سوندىقتان قازىر مەن ەشكىمگە سۇحبات بەرمەيمىن. وتىرىك ايتپاسام، 3-4 جىل بولىپتى سۇحبات بەرمەگەنىمە»، - دەيدى قايرات.
«فەنومەن» ءانشى شەتەل انشىلەرىمەن سالىستىرسا رەنجىمەيتىنىن ايتتى. ءانشىنىڭ پىكىرىنشە، قازاقتى قازاقپەن سالىستىرۋ - بارىپ تۇرعان باسسىزدىق. ول مەيرامبەكتى اعاسىنداي، ال ديماشتى ىنىسىندەي كورەتىنىن مالىمدەدى.
«جارايدى، مەنى شەتەلدىڭ ازاماتىمەن، باسقا شەت انشىلەرمەن سالىستىرسىن. ءبىراق قازاق پەن قازاقتى سالىستىرىپ، ارالارىنا وت سالىپ، ءبىر-بىرىنە ايتقان سوزدەرىن باسقاشا كورسەتىپ، حالىققا ماسقارا قىلىپ، اششى سويلەيدى تيگىزىپ، سول كۇيدىرىپ بارادى دا. ودان مەنىڭ ەشتەڭەم كەتپەيدى، تەك ونى ايتقان ادام ءوز-وزىنە كۇنا ارتىپ الادى. ونى ايايمىن شىنىمدى ايتسام. حالىق ءبىلىپ وتىر عوي، كىمنىڭ قانداي ەكەنىن.
مەنى مەيرامبەك اعامەن، تورەعاليمەن، ەرنارمەن سالىستىردى. «وي، سەن قالىپ كەتتىڭ» دەپ. قانداي سوزدەر، مىسالى؟ كەشەگى ديماش باۋىرىمىزبەن سالىستىردى. مەن قۋانامىن، ءار قازاق شىعا بەرسىن. شىن ومىردە ءبىز ءبىر-بىرىمىزگە كومەكتەسىپ، قولداۋ كورسەتىپ جۇرگەن ادامدارمىز. ال بۇلار ءبىزدىڭ ونەرىمىزدى ءبىر-بىرىمىزگە قارسى ەتىپ كورسەتىپ قويادى. بىلاي قاراپ وتىرساڭىز، ديماش مەنىڭ قانداي ءىنىم. ءبىر-ءبىرىمىزدى جاقسى كورىپ، ول مەنى «اعا، اعا» دەپ مەن ونى «ءىنى» دەپ، ۇلكەن مەرەكەلەردە بىرگە بولدىق. تورەش تە، ەرنار دا بار. مەيرامبەك مەنىڭ قانداي جاقسى كورەتىن اعام. ول كىسىمەن سالىستىرۋ مۇلدەم كەلمەيدى. ءبىز سول كىسىنى تىڭداپ وسكەن بالامىز. جورگەكتە جۇرگەن كەزدە سول كىسىلەر ءان سالىپ جۇرەتىن. سولاردان ساباق الىپ، ادەمى قىلىقتارىن ۇيرەندىك. ال ونى كەپ كىشكەنتاي عانا قايراتتى مەيرامبەكپەن سالىستىرادى. بولمايدى عوي ول»، - دەيدى قايرات نۇرتاس.
