پرەزيدەنت نازاربايەۆ ۋنيۆەرسيتەتىنە وقۋعا تۇسەتىندەر جايىنداعى قاۋەسەتكە جاۋاپ بەردى

استانا. قازاقپارات - ەلباسى نازارايەۆ ۋنيۆەرسيتەتى مەن نازاربايەۆ زياتكەرلىك مەكتەپتەرىنىڭ ەسىگى بارلىق ادامدارعا اشىق ەكەنىن اتاپ ءوتتى، دەپ حابارلايدى قازاقپارات.

 «وقۋعا ءتۇسۋ وتە وبەكتيۆتى جانە قانداي دا ءبىر سۋبەكتيۆتى فاكتورلارعا قاتىستى ەمەس. بۇل نەگىز بولاتىن ۇستانىم، وسىنى بارلىعى ءبىلۋى ءتيىس. ۋنيۆەرسيتەت قانداي دا ءبىر ەرەكشە توپ ءۇشىن اشىق ەكەنىن، سونداي- اق وعان قوماقتى قارجى جۇمسالىپ جاتىر دەگەن بەلگىلى ءبىر ەليتانىڭ قاۋەسەتى بار ەكەنىن بىلەمىن. بۇل قارجى قازاقستاننىڭ بولاشاعى ءۇشىن يگەرىلۋدە. بۇل ۋنيۆەرسيتەت ءبىزدىڭ ەلدىڭ اكتيۆى، ال تۇلەكتەر ءبىزدىڭ بولاشاقتىڭ التىن قورى. وقۋعا تۇسۋگە 10 مىڭعا دەيىن تالاپكەر ءۇمىتتى بولعانىمەن، ولاردىڭ اراسىنان 400-500 تالاپكەر وقۋ ورنىنىڭ ستۋدەنتى اتانادى. جەتىستىككە جەتكەندەر مەن باسەكەگە توتەپ بەرگەندەر وبەكتيۆتى تۇردە وقۋعا تۇسەدى» ، - دەپ قاداپ ايتتى نۇرسۇلتان نازاربايەۆ.

وسى ورايدا مەملەكەت باسشىسى جوعارى وقۋ ورنىندا بارشا قازاقستاننان ەڭ تالانتتى دەگەن جاستار ءبىلىم الىپ جاتقانىن جەتكىزدى. ايتا كەتەيىك، ەلباسى بيىل نازاربايەۆ ۋنيۆەرسيتەتىن ءتامامداعان تۇلەكتەردى قۇتتىقتاپ، دوكتورانتۋرا باعدارلاماسىنىڭ العاشقى توعىز تۇلەگىنە ديپلومدارىن تابىستادى. بيىل وقۋ بىتىرگەن ستۋدەنتتەر سانى 737 ادام، ونىڭ ىشىندە باكالاۆريات باعدارلاماسى بويىنشا 499 تۇلەك، ماگيستراتۋرا باعدارلاماسى بويىنشا 229 ستۋدەنت جانە PhD دارەجەسىنە يە بولعان دوكتورانتۋرا باعدارلاماسىنىڭ ەڭ العاشقى 9 تۇلەگى بار. ەرەكشە ۇلگىدەگى ديپلومعا 75 تۇلەك يە بولدى.

 

  اۆتور: رۋسلان عابباسوۆ