ق ر پرەمەر- ءمينيسترى جۇمىس ساپارىمەن قازان قالاسىنا باردى
بۇل تۋرالى www.primeminister.kz حابارلايدى.
ت م د ۇكىمەتتەرى باسشىلارىنىڭ كەڭەسىندە يننوۆاتسيالار سالاسىنداعى ىنتىماقتاستىق، كولىك قاۋىپسىزدىگىن قامتاماسىز ەتۋ، بەيبىت ماقساتتاردا اتوم ەنەرگياسىن پايدالانۋ، كونترافاكتىلىك ونىمدەردى شىعارۋ مەن تاراتۋعا قارسى ءىس- قيمىل، زياتكەرلىك مەنشىكتى قورعاۋ ماسەلەلەرى قارالادى. ەۋرازيالىق ۇكىمەتارالىق كەڭەس جۇمىسى اياسىندا ەۋرازيالىق ەكونوميكالىق وداقتىڭ سيفرلىق كۇن ءتارتىبىن ىسكە اسىرۋدىڭ نەگىزگى باعىتتارى، ە ا ە و- نىڭ ىشكى نارىعىنداعى شىعارىپ تاستاۋ مەن شەكتەۋلەردى جويۋعا بايلانىستى شارالار جوسپارى، سونىمەن قاتار اگرو ونەركاسىپ كەشەنى سالاسىنداعى بىرلەسكەن عىلىمي- زەرتتەۋ جانە تاجىريبەلىك- كونسترۋكتورلىق جۇمىستاردى ۇيىمداستىرۋ ءتارتىبى جانە ت. ب. ماسەلەلەر تالقىلاندى.
ق ر پرەمەر- ءمينيسترى قازانعا كەلگەننەن كەيىن ءبىرقاتار يننوۆاتسيالىق نىسانداردى ارالادى، ولاردىڭ قاتارىندا ІТ- پارك جانە يننوپوليس جوعارى تەحنولوگيالار قالاسى بار. سونداي- اق، ب. ساعىنتايەۆ قازاندىق يننوۆاتورلاردىڭ جاڭا عىلىمي ازىرلەمەلەرىمەن تانىستى. باقىتجان ساعىنتايەۆ ІТ - پاركتى ارالاۋ بارىسىندا بيزنەس- ينكۋباتور جۇمىسىمەن جانە «گلوناسس+112» مونيتورينگ ورتالىعىنىڭ جۇمىسىمەن تانىستى، سونىمەن قاتار وعان ستارتاپ جوبالاردىڭ پرەزەنتاتسياسى ۇسىنىلدى. وسىدان كەيىن ق ر پرەمەر- ءمينيسترى ەرەكشە ەكونوميكالىق ايماقتىڭ جانە «يننوپوليس» جوعارى تەحنولوگيالار قالاسى ۋنيۆەرسيتەتىنىڭ قىزمەتىمەن تانىستى.
انىقتاما: تاتارستان رەسپۋبليكاسىنىڭ اقپاراتتاندىرۋ جانە بايلانىس مينيسترلىگى 30 مىڭ شارشى مەتر اۋماقتا ورنالاسقان قازان قالاسىنىڭ ІТ - پاركىنىڭ نەگىزىن 2009 -جىلى قالاعان. مۇندا 40 ستارتاپ جوبانى ۇسىناتىن 143 رەزيدەنت بار. «يننوپوليس» ە ە ا جالپى اۋدانى 311,43 گ ا- نى قۇرايتىن ەكى الاڭدا ورنالاسقان. ونىڭ بىرەۋىندە يننوۆاتسيالىق كومپانيالاردىڭ كەڭسەلەرى مەن عىلىمي- زەرتتەۋ، تاجىريبەلىك- كونسترۋكتورلىق عيماراتتار ورنالاسقان. ەكىنشىسى رەزيدەنت كومپانيالاردىڭ وندىرىستىك قىزمەتىنە ارنالعان. ەسكە سالا كەتەيىك، بۇعان دەيىن ق ر پرەمەر- ءمينيسترى جۇمىس ساپارىمەن ا ق ش- قا بارىپ، ءىرى ІТ - كومپانيالاردىڭ وكىلدەرىمەن ءبىرقاتار كەزدەسۋلەر وتكىزىپ، جەتەكشى يننوۆاتسيالىق ۇيىمداردىڭ كەڭسەلەرىن ارالاعان بولاتىن.
